ويشاركنا أحد ابناء الوطن من منسوبي الحرس الوطني في هذه الملحمة الرائعة التي القاها في احتفال الحرس الوطني في المنطقة الغربية في أول ايام عيد الفطر المبارك. حيث يقول الشاعر الملازم: ثواب الحارثي عن الوطن الشامخ ورموزه الكرام في هذا العيد السعيد: يالله ياللي تجازي العبد بعماله صعبات الأعمال يا رحمان سهلها وامنك علينا يدوم ويضفي اظلاله والنفس عن غير ما نزلت جهلها ابدا ونور الفرح من مكة اطلاله واعجز بتوصيف الافراح وتخيلها الهجس غنا بعد ما فاض شلاله فيه المعاني توقد به مشاعلها هاض الفواد وضميري سطر ارساله احلى التهان بحلول العيد تحملها من يوم شوال طل ابغرة اهلاله ابدولة عزها الله في منازلها يا جعل عيد جمعنا تبطي الياله ونموت يا لمملكة وارضك نقبلها اختار عذب الكلام الجزل وزلاله واسري مع أفكار هوجاسي واراسلها واثنى بترحيبة تنصاهل الطاله ترحيبة من حرارتها مفصلها تفصيل ثوب يشوق البال تفصاله البسه فيصل وفيصل يلوق الها حلفت والله ماخل الشعر في حاله وفيصل وكيل الحرس والروح يبذلها جيته معايد وانا رجلي تعناله لو وجهتي شرق يم الغرب احولها نفرح بفيصل بعد جا ونحتفوا له قبل انتحفوا بالأعياد ومحافلها وادك حصن القصيد الصعب واشتاله واسوق الامثال والكلمات احللها لا صرت واقف قدم فيصل عسا فاله فال السعد ياسعد جدد وساحلها وسهول كل الحجاز وشمّخ اجباله ولو كل عذراً تعزوتبه يحق الها جده محمد وابو متعب بعد خاله شيخٍ فعول الوفا دايم يزاولها والعز يبرالنا دايم ونبراله والمملكة مجدها اسمى خصايلها المجد في نجد مدهاله ومنزاله هو مصدر المجد والتاريخ سجلها المجد منا وفينا تضرب امثاله طلايع امجاد الاسلام وسلايلها المجد حنا هله حماية القاله ما فيه دوله فعايلنا تماثلها حنا هل المجد عقاده وفتاله اندوس الاريا ليا قمنا ونفتلها حنا حماة الوطن والدين ورجاله ناطا على روس الاعداء مانتو سلها حنا هل الشرع ما به شرعٍ ابداله شريعة الله نموت ولا نبدلها حنا اساس العرب ابناه وبطاله نعمي عيون اللي عيونه يكحلها حنا سند مع فهدنا وشعبه اعياله مسيرة العز في ظله نواصلها يا سيدي لك سلام مني الحاله ايام عمرك عسا المعبود يمهلها اليا مدحتك اسير بنفس مختاله وتمطر جزال المعاني من مخايلها زعيمنا لو تعدالعالم افعاله تصبح وتسمي فعوله ما تكملها زعيمنا اللي نسوق ارواحنا افداله اسياسته ما حدٍ يسطى يحايلها من ذاق ضيم الدهر عنز له وجاله يجير من جاه والعوجا يعدلها ما جابن البيض من حلياه وامثاله شبه الجزيرة ومن فيها يمثلها واخوه زحل الزحول مميل اعقاله عبدالله الي يثنيها ويعقلها يسعى لعز الوطن ويحقق اماله كل الأماني برمعاته نحصلها تبارك الناس بقدومه وبقباله حاضر بحاضر خصومه مايلين الها كل المراجل ليا جاها تهيا له والهامه لغير ربه ما ينزلها قضايا الإسلام تسند له وتعزاله قضايا الإسلام بعزومه مواصلها يصغي بذهنه لمن جاه وتشكوا له يروف بالناس ويخلص مشاكلها يا طيب رأسك يا بومتعب وحناله كل الصعايب حرسك اقبل وذللها هيتبك نوٍ سرا رعده بزلزاله حزة لقا قادة العرب وفطاحلها وسلطان فيه الكرم واسم الكرم ناله يحيى فياض عصيب الوقت ممحلها تنفق يمنيه بما لا تعلم اشماله حاز الكرامه وحاز اسمى فضايلها والله والله لو هي تنطق امواله لتدعي لسلطان يوم انه مجملها يحيا الوزير وليال العز تحيا له نفسه على الطيب والنوماس صاقلها بعده فلا للكرم ذكر ولا سلاله والعز بنت زهت له باثمن احللها يا كثر ما يطري الشاعر على باله في كل بحرٍ هنا ديبه يميلها خص الوطن لا تهيضبه وغنا له اتفوح الاشجان واشواقه تهز الها اغلى وطن لا وقفت ابعالي اطلاله جرد الصحاري تسوقه في تغزلها يا مملكتنا سقاك الغيث هماله يا مسند العرب مقدمها واوايلها عز العروبة ولك تاريخ واصاله لولاك وش هي حياتي يوم اعيش الها انتي ترابك طهور وتعرف اجياله انتي مقر الصناديد ومعاقلها انتي شعاع المنار ومنبع ارساله لجل ان ارضك ظلال الله مظللها كم من حريب طوي به طي محاله يبغا يطول ارشك ولاهوب طايلها حنا عماه وبلاه وكل غرباله وأقدامه ان ناشت اترابك نزلزلها دونك نضد الحريب ونقصر احباله ونحط اعالي خصومك عند اسافلها واليا عقلنا الجمل ما ينقض اعقاله يبرك بصم الصفا يا لين ياكلها يها بنا الضد قدام نتحموى له ونعكمم عدانا ونتبعها ونشغلها يارض الجزيرة غلاك انزود بوصاله عندي عبارات قوليها بمجملها قولي لمن نيته فالقلب بطاله دقلاتنا لو تصكه ما تحملها عقّاله اتصير يوم الحرب جهاله حربٍ ضروسٍ ليامن طاش جاهلها دقلاتنا مثل نوٍ يرزم اخياله ارتد قدام نفسك لا نزعلها شخصٍ نهينه وشخص انكرم اسباله انعامل الناس من واقع تعاملها عشنا وشفنا الزمان ابكثرة اهواله نكسب تجارب كثير الناس تجهلها عشنا وشفنا دقاق العلم وجلاله واللي بخلف الكواليس ومهازلها عشنا وعرفنا جنوب الدار وشماله بخيانة اعهودها ردت جمايلها واللي نسا حجته ما تثبت اقواله يا كثر الاسما ولا نبغا نعللها وكثر الندا ما نبي ترديد منواله لمحه بسيطة ويلزمني اشير الها أحب اذكّر بدون اسهاب ويطاله القدس باغلى تهانينا نزف الها يا شعب الإسلام شعب القدس يرثى له بنتٍ من الضيم فلت عن جدايلها القدس لا تستباح انساه وطفاله على اللحى عار لو محدٍ يقوم الها افراح الاعياد لا تنسيك احواله بشعور الإسلام واجبكم مبادلها والله وانا اطلب ولي العرش واساله ينصر عباده ومن فضله يمد الها
