جوال الميدان

شوهد جوال ومجول في حالة تنكرية اثناء التمارين الصباحية بالفرهول الواقي من الامطار والقبعات الانجليزية ومن بين الاشجار كان هذا الحديث يدور بينهم وتحت زخات المطر,,.
* جوال: تسمعني جاك جاك امسك وقته
مجول: علم ضبطناه وانا ابو مجيول.
* جوال: سمعني رنة وقته.
مجول: ا,ن,ح,ش.
* جوال: وش بلاك.
مجول: الساعة بدت تخربط.
* جوال: توكل على الله وسمعني كم هووقته!
مجول: ما اسمعك من قوة المطر,.
* جوال: يا مرحبا بالمطر.
مجول: يقولون ما وصل الا أمس.
* جوال: للسيدة والا من بلاده!!
مجول: وش اخبار الزمله عند الربع!
* جوال: زمله ونفاضه ومطر حلها يا مجول.
مجول: كلها تهون يا جوال لاجت على الكيف والنوماس.
* جوال: الارضية في مصلحة من.
مجول: يقولون للأزرق.
* جوال: الاسطبل والا الحصان!
مجول: الا ما تقولي هي تثبتت اسماء الخيالة اللي قريناها في الشوطين الكبيرين.
* جوال: قصدك يشاركون والا مثبتين على الجياد المشاركة.
مجول: الثانية يا جوال.
* جوال: صباحية الخميس بتغير علوم وعلوم.
مجول: توقع الفولاذية تحافظ على لقب اختها ماتهاب.
* جوال: اجل نسيت مركاضهم مع بعض في الموسم الماضي.
مجول: باللعون تذكرته وليت ما تهاب تكلم.
* جوال: كان وش تقول؟
مجول: شد حزامك بشودة!
* جوال: وحزام طالع نسيته.
مجول: وذنان والا بنت هديه.
* جوال: من غير قصور في الثنين لو الله مفيضه.
مجول: أنشهد انها مواجهات حديد ونار.
* جوال: نسيت عز الطلب.
مجول: يا هو بيبعثر الأوراق.
* جوال: قصدك الاوراق الخططية.
مجول: يا طيب رأسك يا جوال تفهمها على الطاير.
* جوال: ما ودك نفطر مع الربع.
مجول: وش فطورهم!
* جوال: لا تشرط قم بس وزانت علومك وعلومهم.