جوال الميدان

شوهد جوال ومجول في حالة تنكرية أثناء التمارين الصباحية وبالفروات الشمالية من بين الأشجار وعند علامة الميل ووسط أجواء البرد وصقيعه وكان هذا الحديث بين هذا الثنائي الذي افتقدناهما كثيراً
جوال: تسمعني يا مجول جاك وخياله حرّك سروعه حاول تمسك وقته؟
مجول: علمُ ظبطناه وأنا أخو جوال؟
جوال: سمعني رنة وقته؟
مجول: ان ح ش؟
جوال: وش بلاك؟
مجول: الساعة إما تخبص واللا الشوف لك عليه؟
جوال: قل ما شاء الله على حصان المسلمين وعطني وقته؟
مجول: ما اسمعك والشمالية ما ترد الصوت؟
جوال: مرحبا بالشمالية وحول يا مجول؟
مجول: إلا وش علوم الزمله عند الربع؟
جوال: معها نفاضة وبرد يجمد الركب؟
مجول: كلها تهون ولانزل المطر جاك الدفا؟
جوال: يا مرحبا بالمطر لكن يا خوك السماء صافية!
مجول: ما يدفي قارس البرد غير ركض حصانٍ على بالي ويعقبه انتصار؟
جوال: تقصد الأزرق؟
مجول: الزرق ثنين؟
جوال: الأزرق ان دعس المسافة خطير على شبيه الريح؟
مجول: ما جاك عندي الزحزاح بسم الله عليه ما معه معشى؟
جوال: أشوف عناوين الميدان مسلطنة؟
مجول: والسلطنة بتشوفها يا بعدي بكرة؟
جوال: ما ودك نفطر مع الربع؟
مجول: وش فطورهم؟
جوال: من شافك بفروتك باللعون ما فطرك؟
مجول: توقع الكأسين تروح للكويت وجدة؟
جوال: تحريبها؟!
مجول: وعلوم البلعات؟
جوال: على أبو خفيف رايعة وأدفع غرامتك وذب الريع؟
مجول: وأخر العلوم؟
جوال: يقولون بيرفعون جائزة كأس المؤسس
مجول: عسى وهذي الهقوة في رجال الفروسية