شعر: عبدالله عبدالرحمن السلوم

ياخادم البيتين طاريك محمود

إلا زعيمٍ ما لطيبه حدودي
مثل الفهد زيزومها لازمى الكود
دايم وهو للعز يرقى سنودي
الهرج له راوين والفعل مشهود
ولاينحسب قولٍ بليا شهودي
بمكه وطيبه ما بذل غير محدود
بذل بها بذلٍ بليا حدودي
ودستورنا القرآن تنزيل معبود
نال اهتمامه والعنايه تزودي
وبنى حضاره ما شكا الصعب والكود
تمم بعهده ما سبق من عهودي
عقدين لكن جاوزت عدة عقود
فيها اختصار للزمن والجهودي
وحقق بفضل الله لنا كل مقصود
وصرنا مثال منفرد بالوجودي
هذا الزعيم الفيصلي كاسب الزود
تنشر له البيضا عريب الجدودي
من ساس حرٍ زابنه غير مضهود
عبدالعزيز الشهم واف الفهودي
عبدالعزيز اللي له العز معقود
قاد السرايا والبرايا رقودي
ووحد جزيرتنا بتصميم وجهود
لم الشتات وغاظ قلب الحسودي
وصرنا بفضل الله له أعوان وعضود
نبني ومن رام المعالي يسودي
والناس تفهم تفرق البيض والسود
هداج يفرق عن جميع العدودي
ياخادم البيتين طاريك محمود
ورايتك بيضا يوم رفع البنودي
ياطيب راسك ياذرا كل مضهود
طودٍ تعلى فوق عن كل طودي
ياعز شعبك ياسلايل هك العود
ياعل عيدك كل عام يعودي
وولي عهدك بين اياديك ماجود
ساعدك الأيمن بالمواقف صمودي
والنايب الثاني لحاجتك مرصود
سيفٍ بصدّات الرزايا يجودي
هذي مشاعر عن هل المجد والجود
ويكفي فخر يوم أعرف اني سعودي