عبدالله بن محمد حمود النافع

احب المملكة واعشق هواها

حماك الله يا ديرة جدودي
احب المملكة واعشق هواها
عليم الله والعالم شهودي
احب المملكة واللي حكمها
ابو متعب عمت عين الحسودي
حكمها بالسياسة والعدالة
حكيم الراي حلال العقودي
عسى ربي يعديه المنايا
زعيم العرب جعله بالوجودي
الا يا الله عسى ماذوق يومه
بجاه اللي له العالم سجودي
كثير الخير من خيره عطانا
ولا ينكر سوى رجل جحودي
والا لز الحقب حنا عياله
والا اشر كلبونا له جنودي
نقاتل كل من ضيع طريقه
بوسط الدار والا بالحدودي
ترى من وقظ الفتنة نرده
باذن الله ماشي يكودي
نجيش له جيوش يردعنه
الامن راح جعله ما يعودي
اقوله بالنيابة عن ربوعي
الا ضاق الفضاء جولك حشودي
الا منا وقفنا واعتزينا
تحت رايتك نرسي كالحيودي
حماة الدار حنا يابومتعب
نعاهدكم على حفظ العهودي
واختم القول ورجع للبداية
سعودي وافتخر حيثي سعودي
- الزلفي