ابن سعدي جزيل العطايا

رثاء في الشيخ جلوي بن سعدي الشمري (رحمه الله)
عز الله انه راح منا خسارة
راح الكريم اللي تنومس سواياه
يبكونه البدوان وأهل الحضارة
واهل القرى واللي خذوا من عطاياه
ويبكونه اليتمان جتهم اخباره
وتبكيه شمر يوم حنا نعيناه
مرحوم يا جياب كاس الصدارة
ياما بذل من مال وأرخى ليمناه
أبو الصخى جزل العطايا جسارة
بيته مشرع والمسايير تدلاه
أقفى أبو عراك وأظلم نهاره
معتق رقبة اللي من الموت ينخاه
عساه في جنة تدارج انهاره
في جنة الكوثر مبيته ومثواه
وسعدي حفيد اللي براسه سطارة
هو البقى والموت ما عنه منجاه
أكا الأسد خلف ليوث سعاره
ندعي له الرحمة عسى الله ياقاه
تمت وصلوا عد مخضر اشجاره
على النبي أعداد ما حل طرياه
ندا حمود المشلحي الشمري