دُعاة سلم وللحرمين خُدَّام

يوم اكتمل توحيد دولة عظيمة
دولة هل العوجاء مدابيس الأكتام
فرسان نجد منزحين خصيمه
مبروك يا دار الوفيين الأكرام
الله عليك أمنه وخيرة يديمه
يا ديرتي مجدك على مر الأيام
حرة ولك بالكون هيبة وقيمه
بقيادة اللي مجدهم تاج ووسام
أهل اليدين الطايلات الكريمه
دعاة سلم وللحرمين خدام
الخير شامل والقيادة حكيمه
يرعاهم اللي بالخفيات علام
الله يحفظ أمن البلاد وزعيمه
فهد زعيم الخير للخير مقدام
ظل لشعبه والعداء ما تضيمه
مواقفه باللين والشدة جسام
رجل السلام ومنجزاته جسيمه
وولي عهده للوطن درع وحزام
وافي ونفسه من كرمها رحيمه
طلق الحجاج وملتجا كل منضام
لياجاه من يشكي الزمن والظليمه
عنده لكل الناس تقدير وكرام
وهو عندهم غالي عسى الله يديمه
وسلطان سلطان الوفا للوفا شام
فضايله سادت جداد وقديمه
له بالعطا للغلا وطن جهد وسهام
خطاه في خدمة وطنا هميمه
للخير سباق ولطيب عزام
والطيب سلطان المواقف نديمه
ساد الرخا ساد التضامن والأنعام
من فضل ربي والمساعي سليمه
محققين لشعبهم كل الأحلام
بجهود يدعمها كفاح وعزيمه
عيال من حكمه على كل الأحكام
عبدالعزيز أمجاد فعله مقيمه
سجل له التاريخ وقفات أعظام
سيرة بطل على العدل مستقيمه
له منهج سامي جلى كل الأظلام
أحيا الوطن وأبعد عناه وجحيمه
الله يجازي راعي الفضل بكرام
ويجعل مقره بالجنان ونعيمه
وعلى الشريعة يمضي النهج قدام
دولة عدل حكم العدالة تقيمه
فتاة نجد الرياض