صمت الشفايف

يا غايبة أو ظالمة ليل الأحباب
ظلمتي قلب بالهوى حيل مغليك
ليه الغياب اللي جرح سود الأهداب
ماني ترى ناقص قساوة تغليك
تعال حالي بعدك غياب بغياب
تعال مليت بغيابك أناديك
كم مرةٍ نزلت لك روس وأرقاب
وكم مرةٍ قام لعيونك مماليك
صمت الشفايف ينطق بكل الأسباب
أسباب بعدك لوعتني لياليك
سويت لك حبٍ على روس الأطناب
وحطيتك بقلبي ولاحدٍ حواليك
شيدت لك قصرين من بين ا لأهداب
وبالزين صرت اليوم ومحدٍ يماريك
لبيه لو نبقى كذا كلنا أغراب
انسى عتابي ومدلي بس كفيك
تعال ما بين الهوى ولحظةإعجاب
تعال بعيوني بضمك وغطيك
بجيك لو إن رحلتك كلها اتعاب
وبنسى زمانٍ دامني ميتٍ فيك
كل الفرح في غيبتك يالغضي غاب
وكل شي فيني يذكرك دوم يطريك
وكل شيء فيك اليوم يسحر وجذاب
ومع كل هذا جيت بايع وشاريك