رثاء في فقيد الأمة ومبايعة للملك سلمان

يوم الفراق يعد يومٍ حزينا
فراق المليك اللي يفك الشرابيك
مرحوم يا رافع لوا المسلمينا
في جنة الفردوس ربك يعليك
في جنة الخُلَدْ مع الساكنينا
لك مسكنٍ يابان الأمجاد يرضيك
أنزلك ربي منزل الصالحينا
نزلٍ على حسن الفضايل يجازيك
في منزل العُبادْ والمؤمنينا
إكرام من فضله مقابل حسانيك
ياحاكمٍ برسالة المرسلينا
الله على جل المكارم مقديك
بحكمٍ على تقوى وعفه ودينا
ماهو بحكمٍ يابن الأكرام مطغيك
شخصك رضينا به وحكمك رضَيِنا
حيث المزايا العادله جُمْعت فيك
يارافع الشعب الأبيَ الأمينا
إلى قمة العليا تعلتَ معاليك
بسياسةٍ يشهد بها المنصفينا
يشهد بها لو هو عدوٍ معاديك
وإن قلت قول إله الجبابر تلينا
قولٍ على معناه مافيه تشكيك
أقفيت عنا يامروي السنينا
يااللي بصكات العدى ندرق فيك
ليتك تطالع شعبك المخلصينا
شعبٍ يسليهم بالأوراق طاريك
كلٍ يكامد في حشاه الونينا
شعوب الجزيره يابن الأكرام تنعيك
والعالمين بغيبتك محزنينا
شرقٍ وغربٍ كل الإسلام يرثيك
يامن بفكره حطم المشركينا
يشهد لك التاريخ حاضر بماضيك
يا هادم الإلحاد والملحدينا
يارافع الإسلام رفعٍ باياديك
فضلٍ من الباري على الشاكرينا
وهو الذي بامره يميتك ويحييك
ليا جا القضا مايشفع الشافعينا
تتنوع الأسباب والقدر يدعيك
يا ما نعمنا في وجودك سنينا
يا ما طلبنا الله يطول لياليك
ولو لا المنى ياغانم الغانمينا
بارواحنا من كل الاشرار نفديك
وعسى عوضنا فيك ذرب اليمنا
سلمان أخوك اللي ربا تحت أياديك
سلمان أسد من أسود العرينا
ينهج على نهجك ويمشي مماشيك
سلمان ياسور البلاد المتينا
يا مال شعبن يطلب الله ويرجيك
ويعطيلك البيعه بعزم ويقينا
ويطلب لك التوفيق من عند باريك
ولعضودك اللي بالعمل قايمينا
نِعم إختيارك للرجال المداريك
مقرن ولي العهد حصنٍ حصينا
حرٍ على يمناك يلطم معاديك
نعم الولايه في يدين الامينا
مقرن إذا شاء الله يحقق لامانيك
ومحمد الشهم اللبيب الفطينا
مفكك الإرهاب بالفكر تفكيك
وضد العبث وسياسة العابثينا
وبأمن الوطن ياقائد الشعب يكفيك
هذا ولد نايف وفيه إكتفينَا
بعيد كل البعد عن كل تشكيك
روحه بذلها يشهد الشاهدينا
لا الامر خافينا ولا هو بخافيك
وانتم هذا خشم وهذاك عينا
احرار لرب البِريه مماليك