صيرفيات .. (أهل الأربطة.. ونفوس محبطة)

هيا فك لنا التلفزيون هات المكسرات
ظبط البراد الاخضر وهات العصيرات
اما عشوهة على شهوه محلا السهرات
وفلان قال وفلان اشترى اما سيارات
وضحكات الكل فرحان
طبق الفاكهة مليان
وحمام السباحة حان
هذا اخونا الشبعان
اما احوال سكان اهل الاربطة حال
غرف متهالكه جدرانها البعض مال
لا ابواب وشبابيك تقولك اهلا تعال
لا فرش شيء يمزق القلب اوصال
ماء معدوم وحال محروم
عجوز مقعد ما يقدر يقوم
ارامل يتامى غصبا تصوم
ما ذاقت طعام ولا نوم
هذه الانسانة وبجوارها صغارها
ابوهم مات ما ترك فتات آه يا نارها
مين يراعيهم غرفه ومطبخ دارها
ذل وهوان احد واساها او زارها
بطون جايعه ونفوس ضايعه
اخبارها صابره على الفاجعه
اهل الفلوس باخبارها سامعه
امعاش التامينات ما يشبع راضعه
فقرا، حالهم بؤس عدم هنا موجودين
ينامو بعلتهم نسوان رجال محتاجين
لقمتهم ذليله كسوتهم قليله مترجين
واقعهم يكسر الخاطر ينداله الجبين
اربطه بيوت اكثرها دمار
ممكن في لحظة تنهار
وسكانها ما لهم خيار
حسنات المحسنين اصفار
حكايات روايات عن حال الاربطه
كرامة الانسان داخلها محبطه
عيون حزينه وهموم جدا مفرطه
ارحمو عزيز قوم ذل حياته ملخبطه
امنوا خبزهم راعوا صحتهم
حافظوا على خصوصيتهم
اعطوهم فضلا حصدتهم
دول منا فينا.. كبيرهم ابونا واخينا
الزمن الاغبر كذا خلى حالهم فينا
يا اهل المال والسعد دول هناينا
الله اعطاكم بكره قادر يعطينا
الاربطه الخيريه اهاليها تنادي
اخوانكم اخواتكم من بلادي
قدموا العون لهم ومدولهم ايادي