لغز الأسبوع الماضي كان من طرح الشاعر صالح بن عبدالله التميمي من الرس ويقول: في كل ديره ياعرب يذكرونه يضر وينفع للذي له يجوني عجيب لا شفتوه ما تاكلونه وإن كان ما شفتوه له تاكلوني وقد توصل للحل شعراً كل من: يامرحبا حييت ما أنشت مزونه وما ناحت الورقا بعالي الغصوني هو المطب وياليتهم يصبغونه يشوفه السواق ويمشي بهوني صلاح بن عبدالله اليابس- رحيمة قل للتميمي مرحباً في فنونه ربع لنافي حلها يفهموني ولا بغيت الحل هذي أظنونه مطب فوق الزفت شيب عيوني علي رشيد الرشيد- رياض الخبراء صالح أكلته أمس مالك مهونه ليتك تذوق اللي عليه إعزموني مطب على إسمه للعجل يرفعونه كم غافل قال الربع ورطوني فهد بن عقيل الطويان- بريدة اللغز مثل الهدف للي يصيدونه وهذا جوابي اذا ماخابت ظنوني انا لاشفت المطب هديت من دونه والمشكلة كان ماشافنه عيوني محمد عفار المطيري- عنيزة الحل بالشارع ولا لك مهونه يمنع هل الباصات لايسرعوني مطب صناعي والعرب يعرفونه مرة من المرات ضيّع سنوني محمد بن عبدالرحمن أبو دحيم- القصيم سلام مني عدة منشت مزونه على التميمي عد وبل المزوني لغزه رمعته ضمن من يرمعونه حله مطب صناعياً صدقوني سلطان بن حمد الحبابي- الطائف يا مرحبا وإعداد وابل مزونه يا الشاعر اللي جبت زين اللحوني لغزك تمهل وأمسك أبريك دونه هذا المطب إن كان صحت ظنوني عيد عبدالله المسردي- جاش اللغز لو أن أهله يدفنونه أفكاري تحله وتصدق ظنوني لغز التميمي فالطرق يعرضونه يفرض على المسرع يهدي بهوني ضيدان علي المطيري- الرياض يا خوي لغزك قليل الناس يحلونه وأنا من اللي لغزك يجيبوني ترى المطب ضار للي ياكلونه ينفع كثير الناس اللي يشوفوني سليمان عبدالله الراجح- المذنب لا شك شعرك يا لخزامى يمدحونه وطرحك للألغاز له طعم ولوني لغزك «مطب» في الشوارع يجونه حشا ما ضر من تمشى بهوني إيمان العلوان - الرياض قال الفهادي لغز التميمي يذكرونه هو المطب والناس به يعلموني رمعنا رمعة مع الشعر وهم يعرفونه لغز طرحه التميمي وبه الجريدة خبروني معيض مرزوق الفهادي- الخرج قال التميمي من عجايب لحونه في صفحة فيها جميع الفنوني حاول يخفي والعرب يفهمونه مطب وكل الناس له يعرفوني عايد بن نوار الفدعاني- الرياض بسم الولي مبداي علام كونه الواحد المعبود منشي المزوني الحل جاهز كانهم يرغبونه مطب الصناعي مرسله ما يهوني خالد بن سالم الهوته- الرياض اللغز حله ما وصلته لحونه عقب التعب ذي رمعتي تفهموني حله مطبن بالشوارع ترونه عقماً صناعي يالذي تفهموني فنيس بن منير بن حويل- الحصاة نبي نحل اللغز للي يبونه ولكل من كانوا عنه يسألوني هدوا إلى شفتوه قبل تجوني وأمشوا عليه إلى مشيتوا بهوني زبن مقبل العنزي- بريدة يجب على السايق يفتح عيونه وبسياقته لا يصير سايق جنوني قدمه «مطب» يشوف صعبه وهونه من أجل السلامه كل تقيٍ يهوني سالم مقبل الحربي- القيصومه يامحرر الألغاز مالك مهونه انت وجميع اللي معك يعملوني مطب لأجل التهديه يعملونه وأسلم وكل أخواننا يسلموني عبدالله مهدي العنزي- الأسياح لغز التميمي في الصحف ينشرونه والحل قدامي تشوفه عيوني مطبٍ صناعي في الطرق يوضعونه موضوع للي في المشي يسرعوني سعد سعيد الحارثي - الطائف الناس واجد بالخطا ياكلونه لا زادت السرعة تطير العيوني من لا تعجل يصعده في ليونه هذا (مطب) ولا يعرف الليوني عبدالرحمن عبيد العازمي - الخبراء وقد توصل للحل نثراً كل من الأخوة : فواز عبيد العوفي- الرياض، علي بن غازي العنزي، نايف بن محمد السبيعي، صلف ين دويس العتيبي، مزيد بن محمد الهويران، علي جابر الفيفي- فيفا لغز الأسبوع من طرح الشاعر شبيب هذال السبيعي من الرياض ويقول: أبنشد إرجال المواجيب عن شي يمشي على راسه وهم يضربونه وبالضرب ياهل العرف مجبور يمشي وبضربهم مايحس وأيضا المهونة نرحب بتواصلكم على الفاكس 4871070 صفحة «خزامى الصحارى» زاوية «اللغز» ويسرنا أن نرحب بمشاركاتكم وألغازكم الهادفة.. ويا هلا بالجميع
