يا طير ياللي بالسما شايلٍ شيل خبر يبكم يا طير صيد الحباري مدري كبرت اليوم والا انت بالليل وقت الهدد قرّب وحول المحاري عبدالرحمن بن منصور التركي - البكيرية طير ياللي فالسما طايرٍ فوق تسبر من الصيدات ولا هي صعيبه ما يجهلك مثل الحبارى وغرنوق أنا اشهد إن الحرّ مثلك يجيبه محمد عبد العزيز الخنيفر – أشيقر ابرق مزبرق سبقه فن منقوش ما خيب الصقار بأرضٍ وجدها له هيبةٍ إليا غدا الريش منفوش مثل الوحيفه والفرايس جلدها سعد الحماد - روضة سدير الطير شاف الحبارى وقرب يبي يصيد الخرب تحت الجريدي نبي على ما قيل نأكل ونشرب والدايم الله والفنى للعبيدي صالح محمد البشري وصل البراد وقربت هدّة الطير والحر ما يسكن عشاشٍ ولا حوش اطلق سراحه للفضا وأبشر بخير طق الفريسه كن رجليه شاكوش سعود بن عبدالعزيز الهزاع - نعام يا طير يا مرفرف الجنحان لطم الحباري ترى ريفه الجو صافي يا بو عدنان والكل يقنص على كيفه عبدالكريم عبدالرحمن السلوم - القرائن طير الهدد بالجو يبي الحباري مدري وش اللي بين رجليك يا طير خب الخرايم كلها والصحاري حد المخالب كلها والمناقير عبدالمحسن بن محمد المحيسن - رياض الخبراء يا طير يا فارد الجنحان ودّك فريسه تعشاها إن كان تدري ترى الغزلان تحتك وحذر تعداها رشا بنت عبدالعزيز اليوسف - الرياض وين الحباري خايفه منك يا طير قوة.. وسطوه.. انقاضٍ سريعي مغالبك كنها صفات المسامير ورمز الشجاعة فيك شيٍ طبيعي بشائر القحطاني - الرياض صورة العدد السابق نستقبل مشاركاتكم على إيميل الخزامى: [email protected] أو الفاكس رقم: 4871070 ونرحب بالصور الهادفة والطريفة «زاوية صوت الصورة»
