كان بيت الأسبوع الماضي من طرح الشاعر سعود بن عائش الحربي من جدة، والذي يقول: المر يبري من كثير العطايب وكم حالي فيه المرض واشتريته وللأسف كان صدى البيت من الشعراء ضعيفاً جداً، فلم يصل لإيميل الصفحة سوى سبعة عشر صدى ولم يصلح للنشر منها سوى: مثل العلاج مطمن كل هايب فيه المراره وان حصل لك قريته تصبر عليه ويصبح البال طايب وتذوق طعم العافيه لااحتريته حتى الكلام احيان فيه المصايب والعلم ياصل لاسمعته رأيته والا الكلام الي يجيب النشايب احيان يبطي لاذكرت وطريته حمد عبدالله الوايلي - حوطة سدير لله يعينك يازبون الركايب اللي على الساحل غرب البهيته قلل من الحالي كان انت شايب ياللي عرفت اسمك وبيتك قريته من عاش في الدنيا يشوف العجايب والمر والحلتيت واللي شريته والحمدلله ماعلينا مصايب اما طبخت الكبش ولا شويته شجعان بن سعود العتيبي - الرياض المر يضربه مثل صح صايب انا سمعته صح مدرى قريته انا سمعته صح من عود شايب لولا المراره كان يمكن كليته نصيحتى يا هل القلوب اللبايب المر صره وأحفظه لا لقيته هذي نصيحه قلت ما هي غصايب ان ماصلح لك انت حر إن مريته سعد صنهات السهلي - الدرعية ياشاربين المر فيه المكاسب لاتقول ذاعلقم ولاني بغيته باذن الولي في شربه اليوم طايب وترى الحلا هو المرض لاخذيته كم من مريض من الحلا اليوم عايب ترك الحلا مطلوب ياللي هويته ريان بن محمد الخنيفر - أشيقر فضله كبير كم تزيل المصايب مسكين منهو ماوجدها ببيته ياربعنا ياحبابنا والقرايب وجودها مطلوب علم عطيته وراعي الحلا مسكين يلقى المتاعب كم من مريض في فراشه لقيته محمد بن عبد العزيز الخنيفر - أشيقر والناس تبعد عن طريق المصايب ولا هو وكاد يحصل اللي بغيته محد معمر من صغير وشايب عمر محدد والمقدر نصيته ما كل ما تبغا لذيذ وطايب يمكن علاجك للمرض ما لقيته علي الرشيد - رياض الخبراء من الحلى كم شخص تحت النصايب وهذا الخبر في كم صحيفه قريته وشفنا علومن جات فيها العجايب البعض مخفي والبعض بعد ريته يا الله كافينا جميع المصايب يا دارين بالشي وانا مادريته محمد عبدالله الشهري - جبل اثرب بيت الأسبوع بعث به للصفحة الشاعر شجاع بن حمود بن رمال من الرياض، ويقول حول التوعية في الوقاية من فيروس كورونا: لاجل الوقايه من الفيروس كورونا قبل اتكالك على الله سو الاسبابي نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة: [email protected]
