قصيدة “قَدّر الله عَليّ” للشاعر ” عبدالله سعد الروقي”

يا مدوّر علومي ( منّي ) إخذ الصحيح
لا ( يخيّل ) لك إن بيني و بينك جَدر
••
و كان تبغى الصراحه ! و الله إني صريح
كل ما جيت ألوّن ( ضامري ) ما قِدر
••
( قّدّر الله ) عَليّ أحيا ب قلبٍ جريح
لو ما آمن تبا تِصبح حياته هَدر
••
من غلا ( أهل اليمين ) أحيان أحسه يزيح
من يسار الصدر إليا يمين الصدر
••
( ثُلةٍ ) من فِقدهم ماهو ب مستريح
و إن هَرب من كِدر يلقا أمامه كِدرْ
••
و فاقد الشي ما يعطيه ،، و ألاّ الشحيح
وجهه إليا عطا ما هو ب أبيض ،، وَدِر
••
الأماني ب صدر الكفو ( قِدرٍ يفيح )
إن غطاها الفشل شبّ العتب من حَدر
••
و ( الحياه الذليله ) جِثةٍ في ضِريح
تنغسل ب السِدر و لا تشمّ السدر
••
و راحة البال تبصر كل ضيّق فِسيح
من وصلها تقول إنه ( وصل للبَدر )
••
و إن سِما القلْب كِل إحْساسه أصبح فِصيح
ما طعن ! و يتحاقر كل طعنة غَدر
••
و ( كنّ شِعري ) ماهو فوق الورق فوق شِيح
من كِثر ما تعطّر ب المحبّه ،، خَدَر
••
ودّي أمدح و لكن ما لقيت المَدِيح ؟!
واجدٍ ف الثرا ،، لكن ب عيني نِدَر
••
حظْ( عبدالله ) يعاديه عبد المسيح
مير حظْه ما جاب ال عِذر عمّا بِدر
••
قلت ( أهاجر ) قبل ما أشوف قدري يطيح
كل شيٍ يقوم إن طاح غير ( القَدِر )
••
و ( لا تحرّا رجوعي ) دام قلبي جريح
من سِطا يسرق سلاحي ،، طعنّي غَدِر
.
.
الشاعر : عبدالله بن سعد الروقي