مشاهير

أبسط الأمور إنها تشجعك مزيون
وأصعب الأمور إنك تفوز بجداره
لكن ما بين أكسب هدب وأسحر عيون
أو حقق لنفسك من النصر غاره
أما تكون بحق أو بطل تكون
من لا أنتصر بإحساس وش هو انتصاره
أكثر مشاهير الخلايق يعانون
لو وزعوا البسمات تبقى استعاره
وأقل عالم في الخلايق يحسون
اللي ورثوا ثروه بليا مراره
مليت أحاكي العز والناس يدرون
إن الأدب من خلقته في الصداره
والشاعر المبدع قضية على الكون
تحمل من أسرار الحياه الإثاره
وما همني لو معظم أشعاري جنون
والعصر ذا فنه وهذا ابتكاره
والفن ماهو شرط في عزف ولحون
ترى بعض الأخلاق فن وحضاره
فإن عشت وأنت إنسان بتعيش مرهون
لإحساس من يشكي الجفا من دياره
من أعظم الثورات هي ثورة شجون
ومن أسخف الوقفات وقفة طراره
وما ينكسر إلا من يحس بالدون
أو من عثر والغى الزمان اعتباره
مايدي إن من لا انجبر مره يهون
إن الشرف من قام بعد انكساره
في عالمٍ وسّم معاليقي طعون
تخيلوا لازلت حافظ وقاره
لولا الألم ما تحفظ أشعاري جفون
ولا على الأقلام خذت الكباره
مهدي سميطان