"جنوبي " قصيدة للشيخ عائض القرني ألقاها بمنتجع الدرعية

احتفاء بالعام الثالث لمنتديات بالقرن
ألقى الشيخ الدكتور عائض القرني قصيدة جديدة وذلك مساء الخميس 26 ربيع الأول الجاري , بمنتجع درع المجد بالدرعية , وذلك بالاجتماع الثالث لمنتديات بالقرن الرسمية .جاء ذلك وفقا لما نشرته المنتديات , ويقول القرني في قصيدته :
ياسلامي عليكم ياجنوب الدار = عدًت الرًعد والبرًاق وامزونه
يالمطاليق يالفرسان يالاخيار =انتم المجد والتاريخ واركونه
انتم اهل الوفا والطيب والمقدار= من كرمكم نفوس الحِسد مغبونه
ياحماة الوطن ياجند خط النار= من سواكم يذوق الموت واطعونه
الجنوبي فؤاده مثل وجه انهار= كل صرح على الطولات يبنونه
هم رجال وجبال عزً ضيف وجار= كم غريم بكاس الموت يسقونه
اللسان الفصيح ودقة الانظار= منزَل العبقريه فيه مسكونه
الجنوبي يضيًف لو يبيع الدار= لو سلاحه لحقً الضًيف مرهونه
ارفعوا روسكم تاريخكم جبار= ياسلايل رجال الا زد وامتونه
منكم انصار مبعوث الهدى المختار= صارت ارواحكم في بدر من دونه
ملك غسان فيكم نجمها المغوار= يوم كفه بدم الروم مدهونه
انتم اللي ذبح عنسي مع المختار= يوم رأس الظلاله هاج بقرونه
الجنوبي صمد للترك يوم اشعار= عسكر الفوج والباشات مغبونه
منكم اللي اقتحم لمسيلمه باسوار= ذبحته في الحديقه تبطل اجنونه
الرسول اعتزى فيكم فدته اعمار= يوم غزوة حنين الموت تشرونه
ياجنوب افتخر والفخر للاحرار= تاج مجد الشرف ياللي تشلونه
الملاحم لكم واسطورها الانصار= بالهمم لو جبل منعا تهدونه
اسمكم فاتحه في نشرة الاخبار= كل واجب على الطولات توفونه
وان ذكرتم يجيني حالة استنفار= كل واحد كتبت الشعر لعيونه
ياجنوب السعودية سعد وانوار= من كرمكم جبال العز مزيونه
واصلوا واصلوا يامحطمي الاصفار= الاوائل لكم يالربع مضمونه
والقبائل لها حشمة وصيتٍ سار= دامت اعراضكم بالعز مصيونه
مملكة جامع الامه على الآثار= لجل عبدالعزيز الروح ممنونه