يا دار

يادار لبينا نداك وحضرنا
يوم انتخوا اهل اليمن ماانتظرنا
نسقي عميل الشر من مر كاسه
جته الحمم من جونا من بحرنا
من جاء حدود المملكه مايعوّد
وحنا نشوف الليّ بمكره سبرنا
اذا امر سلمان شاشت جنوده
وعدوّنا لا ما جهل ويخبرنا
حنّا الى ثار الدخن مانوّقف
تعصف حزم والحوث يدرك خطرنا
نشتّت المعتوه واندك جيشه
ندمر جنوده والردي مادمرنا
وصالح يبيها تشتعل بعد طرده
خاسر بلاده والدول وايخسرنا
صالح تلوّى مايعرف الحقيقه
وماهو جديد انّا بمكره شعرنا
صالح يقدّم بالحياه المصالح
وعلى الخساسه لو حضر ماحضرنا
للحوثي شله فاسده يم صعده
شعب اليمن غادره قبل يغدرنا
يشبه لوبري مستكن وسط جحره
بكرا بيشوى من لهايب شررنا
تعيش صنعاء من سببه المصايب
والشعب نادى وقفوا من نحرنا
جند العرب ماتترك الليّ تمادى
يكفي مهازل كم صبرنا وصبرنا
خلوه يمشي لااظلم الليل خايف
هدوّا صقور الجو واركوا فخرنا