ذكرتك

عسى درب خذيته تجر اخطاك
يردك على اول وقفةٍ كنت واقفها
وعسى نفحةٍ مرت وساقت علي طرياك
تمرك تحت جنح العتيم وتصادفها
وعسى الناس يوم تسولف لبسمتك ورضاك
تعرج عليك بسيرتي في سوالفها
وعسى شعري الباكي على مامضى وياك
يلامس صداه اوتار روحك ويشعفها
اسريك لك اهجوس م سريتها لولاك
واناجيك ب آرق الاساليب وألطفها
تعال ادرك الموضوع مادام فيه ادراك
على شان روحٍ معك بالذات ناصفها
انا يابحر ماهمي من البحور الاك
ولا طافني من بيض الايام طايفها
سوى ساعة ناديت فيها الغريق وجاك
لو انها معك تنعاد مانيب عايفها
وش اللي قصر مدك عن احبابك وخلاك
تعزم الهقاوي عند سيفك وتخلفها
ياطهر الطهاره يا اصدق الصدق منت اياك
اعرفك مثل ما اعامل الناس واعرفها
الاعذار عمله طيبين النبا شرواك
تعذر وانا اقبل منك الاعذار واصرفها
اذا الله عطاك دواي وانا عطاني داك
لا تقطع رجا روحٍ بلاها حسايفها
هذا ماكتب ربي عليها ولايخفاك
مقدر لكن وش ذنبها يوم تتلفها