أصل الحكاية

==1==أصل الحكاية.. في سطور الشمس.. يكتبها الوضوح
واصل الفخر تاريخ يشرق.. والشعاع بدايته==0==
==0==في كل نجم بالسما منظر من بلادي يلوح
لاواهنيه ذا الوطن.. دام النجوم مرايته==0==
==0==لاصار صرحه معتلي.. نشتاق نبني له صروح
والمجد صرحه باق.. مادام تخفق رايته==0==
==0==المجد.. لامنه طرا.. نطريه والكادي يفوح
كل سعى له بالنفيس وما تناسى غايته==0==
==0==الكل واحد.. ماوقف له دون هالراية طموح
كل يردد.. سارعي.. واحلى القصيد غنايته==0==
==0==حتى القصايد للوطن.. عن كل امانينا تبوح
الله يحفظه للوفا.. برعايته.. وعنايته==0==
==0==ياذا الجبين اللي تقول الشمس له وجه صبوح
تطلع تشوفه.. واثرها في ظل صرحه بايته==0==
==0==هذا الوطن كل يحبه.. بالمقام.. وبالنزوح
واليادعا الداعي ترانا نتجه لحمايته==0==
==0==متعلمين من الحنيف.. الصدق.. والنهج السموح
ومزينين العهد هذا.. بالعهود الفايته==0==
==0==العز.. له بذر وحصاد وكلنا للارض روح
الله كتب عزه.. وهذي باختصار حكايته==1==