مدرستنا

وفاة مليك البلاد أذهلتنا
نبكي ملكنا لكن الدمع ما فاد
عبائرٍ فوق الخدود أحرقتنا
الله يرحم من سكن بين الألحاد
ليت الليالي فيه فرصة عطتنا
حتى نوادع غالي راح ما عاد
يا كبر حزن فيه صحنا وبتنا
على فهد رمز السياسة والأمجاد
هو سالفتنا بالثناء ما سكتنا
فرقاه يا كبره على كل الأجواد
كان المليك الفهد هو مدرستنا
وكان المليك لشعبه أفراح وأعياد
بقيادته لوعاتنا ما ولتنا
بأمن ورخاء والناس بالخير تزداد
والى نظرنا للدول والتفتنا
ما مثل فهد إنسان بالمصلحة جاد
مواقفه فوق الشموخ رفعتنا
مهما تناسى الحق جاحد وحساد
والد رحل والمملكة والدتنا
والحب لأم الكل واضح ومعتاد
ومكة وطيبة والقرآن أفئدتنا
مصيونة عن كل خاينٍ وجلاد
في ظل دولة مسلمة ما اخذلتنا
آل السعود سعودنا ضد الالهاد
دولة عزيزٍ حكمها ما ظلمتنا
للشعب كل الشعب ريفٍ ورعّاد
وأجاء وسلمى والنفود أيدتنا
ان نذكر إخلاص النشاما بالأوكاد
الغدر والخونة ما هي من صفتنا
وعلى سلوم الطيب من عهد الأجداد
وخدمة ملكنا والوطن هي سمتنا
وتحت أمر دولتنا على سلم وطراد
وللملك عبدالله تقول ألسنتنا
مبروك نرفعها على روس الأشهاد
ولولي عهده نرفع مباركتنا
لسلطان سلطان الوغى ضد الأضداد