عبدالعزيز اللي قهر كل الصعاب

الدار ما تنجب سوى رْفاع الجناب
وأعظم رجل في القرن عشرين أنجبت
عبدالعزيز اللي قهر كل الصعاب
بفعالٍ لكتّابة المجد أتعبت
داس المخاطر ماحسب أيّة حساب
لكل القوى إن هي رضت ولّا أغضبت
ورد ورث جْدوده وتاجٍ مُهاب
بمسيرةٍ بالفكر والسيف أكتبت
وأقام شرع الله وأزال لشرع غاب
ونار الفتن والتفرقه منه أذهبت
ثبّت دعايمها على أطهر كتاب
وبيرق التوحيد فاارجاها ثبت
جاها سوات الغيم من دُهْم السحاب
قدّم لها عمره وعن غيره أبت
ومنه أرتوت من عقب مااضناها الغياب
وكل خير بجوفها فزّ ونبت
وفصلها من خامة العزه ثياب
وبكل مجدٍ للدول دوم أغلبت
والدار ما تنجب سوى رْفاع الجناب
واعظم رجل في القرن عشرين أنجبت