كان بيت الأسبوع الماضي مجاراة لبيت الشيخ محمد بن مهلهل بن شعلان والذي يقول: لو عندنا من غيب الايام رسه الادمي مصلوح نفسه يدله وهذا صدى البيت من الشعراء: الادمي مصلوح نفسه يدله قاف ٍ لابن شعلان بالخير مسه بنصيحته يعد شي ٍ حصله الآدمي لو طال شبْره وحسّه مايعلم اللي يحتوي في سجله العالم الله بكل علم ٍ يهسه مثل الموارد ذكرها لاتزله هداج مايشبه ذريّع ورسّه كل ٍ على صيته سوات الاهله مشعل بن صنت العصيمي-الخرج ماكل من رام المعالي يجسه ولا كل من يبغى لطيب حصل له والعفن ماينفع عسى الله يخسه والعوشزه ماقيل يازين ظله والحبل لامن شد حذرا تمسه حاول ترخي لين وضعك تحله خالد المرشود -الرياض ابومهلهل راح وباقي اليوم حسه بيت من الحكمه وصفه يجله يقوله اللي كل درب يجسه شاعر فرض نفسه بوقته وحله والغيب عندالله ولا احد يعسه دنيا التجارب كل شخص تعله انت ونصيبك واعتبر لاتمسه وعليك بلي ماضي العمر كله شاوره وتلقى لك علوم مرسه ثم اعتبر منها على كيف مله حمد عبدالله الوايلي - حوطة سدير لا يعلمون الغيب جنه ولا انسه الله ربي وحده اللي و صلّه و ا لله من يعلم ليومه و لامسه و ا لكايد الله ربنا اللي يحلّه و الله من يشرق علينا بشمسه و الله من يجمع خليلٍ بخلّه محمد عبدالله الشهري- جبل اثرب لغيب لو بالعمر شيٍ نِحِسِّه كان إنْتهَجْنا صالِح العمر كِلِّه ومِن حِكْمتِه بالخلق عن عِلمَنا دَِّسِّه حتى جميع الامر ناضعْه بالله ومادام ما عندك مِن الغيب رِسَّه الخير في دينك ودنياك إفْطِن لِه سعود عائش الحربي- جده خلك مفتاح لخير والشر دسه ما يستوي الخير والشر قله الرجل يبعد عن كلام يحسه واللي يحب الميل بالساس عله احد مثل هداج ويعجبك حسه ماهو كما رس ن ما احد يدله صالح محمد البشري- الرياض بيت الأسبوع كتبه للصفحة الشاعر حمد عبدالله الوايلي من حوطة سدير ويقول: شهر فضيل وكلنا صوامه يارب يارحمان تقبل منا نستقبل صدى هذا البيت خلال أربعة أيام من نشر البيت على إيميل الصفحة: [email protected]