الحمد لله جزيل المد والمنه اغاثنا بالمطر في كل الاوطاني

كتب بيت الأسبوع الماضي الشاعر صالح المرشود من الرياض، وذلك شكراً لله على منّه وكرمه بعد هطول الأمطار على أنحاء البلاد، ويقول:
يا الله يا اللي خلقت النار و الجنه
عفوك و لطفك و نرجي منك غفراني
نبغى المطر و السحايب هن يصبنه
لا خيلت مدلهمه كل الامزاني
جعله على المملكه و الدار يرونه
امطار رحمه وخير اشكال و الواني
نواف نايف هلال العتيبي - الفرعة بالجمش
والناس بالخير مبسوطة وممتنة
كل من الربع قام يهني الثاني
سحب تتالا على الريضان يملنه
ونشوف الازهار بشكال والواني
حتى تجيه الدبش بالبر يرعنه
يفرح بها الكل والقاصي مع الداني
علي الرشيد - رياض الخبراء
من يطلبك ربنا مايخيب له ظنه
انت الاله السميع ومنك غفراني
عبدك يصلي فروضه ويتبعه سنه
يرجوك عفوك ويطلب منك غفراني
والعبد يفرح وقدوم السيل له حنه
يالله عسى دارنا جنه بريضاني
ريان محمد الخنيفر - أشيقر
نوًر بروقه تزبر والرعد حنه
مزن تهامل فيه الخير ملياني
يجيك سيل الرهايا ناشد عنه
يروي ديار هشيم جرد صماني
تنبت فياض تزهر كنها جنه
نوار ورده تلون لون والواني
حمد عبدالله الوايلي - حوطة سدير
الحمدلله ملك الملك و الجنه
اسقانا من فيض جوده غر الامزاني
الحمد لك ياعظيم الشان والمنه
اسقى الصحاري ورويت كل عيداني
سبحانه الواجد علام الاجنه
اللي مراويح سحبه تعود من ثاني
فيصل بن سعود بن صقر - الرياض
بيت الأسبوع
كتبه الشاعر شجعان المقاطي من الرياض، ويقول حول اللحمة الوطنية الرائعة للشعب السعودي:
سلام ياشعباً عزيز بملوكنا حكامنا
والله والله مانحيز ولانا قبل اعلامنا
نستقبل صدى هذا البيت بثلاثة أبيات تدور حول هذا الموضوع، وخلال أربعة أيام من نشر البيت.
على الإيميل: rb-khozama@alriyadh.com