ورقة قديمة

طلبنا الخالق اللي كل مسلم يلتمس لرضاه
يعز ولاية عنها عدو الدين ينحونه
ولاية مسلمه من ساد فيها ما يزار حماه
تزور حمى العدا والا حماها ما يزورونه
ثلاث مية سنة فيها الشعار الدين شب اضواه
بنوه محمدين وشيدوا مبناه وحصونه
طلوع المجد صعب ومعتلي يا قل من يرقاه
لو أنه هين مرقاه كل الناس يرقونه
رقوه محصلين الاربع المفهومه المسماه
وهي مركز زمام المجد لا قبله ولا دونه
اقول الراي الأول ثم سيف تجرده يمناه
وفضل وحلم في وقت الغضب حسناه مضمونه
هذا العلم الوكاد ومن بغى درب الوفا يلقاه
دروبه متعبه ما هوب يا سهله ويا هونه
لو المنصوح يقبل هرجة الناصح عرف ممشاه
تعداه الخطر واللي مقدر ما يردونه
فلا كنه معيي جعلها حذفة مقيط رشاه
صحيح كل معجب يصغرون الناس بعيونه
انا والله ما اعارض كل سبيل ضارب مجراه
اعارض منكرين الفضل والعلم يشوفونه
اقول من انكر المعروف باير باوله واتلاه
كما من عق وانكر والديه اللي يغدونه
ترى الشاهد لقولي يوم شفت ان السمك في ماه
يوم بوسط بحر عاش بميوم انعكس لونه
ترى المجرم الى منه طفر من ضحكه بكاه
ومن ياطا السريح عماد بالاقدام ياطونه
حاش ما ادخل مجال ما عرفت اقصاه قبل ادناه
ولا ارمي لي شبح ليذانهم قدمي يرزونه
كبير الحظ من يذكر بخير عاش في دنياه
يعد له الثنا ومدورين الخير يلقونه
صلاة الله وتسليمه على اللي نهتدي بهداه
على هديه تمشينا وكل الخلق يرضونه