بالسلامة والهنا

ابتدي بأسماك يالمعبود يارب العباد
واشكرك واثني عليك الخير يالفرد الصمد
واحمدك حمداً كثيراً مخلص فيه الفؤاد
جل شانك يا إلهٍ ما سوى وجهك أحد
سيدي سلطان بن عبدالعزيز بخير عاد
لابسٍ تاج السلامه فوق راسه والسعد
أسعد الله لحظةٍ فيها نشوفه بالبلاد
يوم كان بمقدم استقباله القايد فهد
شوفتك يا سيدي سلطان من يوم العياد
شوفتك يا سيدي مثل المطر واحلى بعد
يا هلا يا مرحبا بك عد ما هب البراد
يا هلا يا مرحبا بك عد ما حن الرعد
يا هلا بك والفرح في نشوته بالصوت شاد
يا هلا بك يا هلا بك يا هلا بك بالبلد
يالزعيم ابن الزعيم النادر الفذ الجواد
يا عساك بخير وأيامك ترفرف بالسعد
فضلكم يا سيدي بعد الله المعبود ساد
وخيركم بعد الله المعبود كل له شهد
تكفل الطفل اليتيم اللي ترعرع بالمهاد
ويهتني في جودك الشيخ المرضّى والولد
يا كثر وقفاتكم يا سيدي بين العباد
يا عساها في موازينك بجنات الرغد
إنت بعد الله عليك بهالبلاد الاعتماد
بعد عبدالله وبعد القايد الأول فهد
انسكب دمعي من الفرحه وكل الخير زاد
يوم شفتك تبتسم وجهي لمعبودي سجد
أحمده حمداً كثيراً يوم ردّك للبلاد
بالسلامه والهنا والعافيه يوم الأحد