يا مرحبا عد النجوم المساهير

اللي تجلت بالسماء وحتواها
ويا مرحبا عد المزون المزابير
اليا ارعدت ثم استهلت بماها
ويا مرحبا ترحيبة طعمها غير
كن الحلا مستطعم من حلاها
لجيتك يامير تاقف طوابير
ترفع لك اسما حبها من من وفاها
تناقلوا علم الوصول ابتباشير
ويا جعل ربي ما يخيب رجاها
ملكتهم بالحب والطيب يامير
ساعة وصلت الناس تسبق خطاها
يامير لجموع الأوادم تفاسير
حبٍ ووفا واخلاص للي رعاها
يقولها من صخر البيت تصخير
حتى المعاني تستهل بعطاها
سلمان يا نسل الكرام المناعير
اللي عظيم الشان ربي حباها
انا اشهد انه صور المجد تصوير
في عين جيل ملتزم في ولاها
اخوان نوره في الليال المعاسير
يا كثر ناس تتقي في ذراها
اخوان ابو فيصل احرار نوادير
كل يحاول بس يكسب رضاها
يا الله يالمعبود حسن التدابير
يا الوالي الرحمن سداد اخطاها
الشعر يعجز والمعاني قواصير
والبيت يعجز عن بلوغ مغزاها
وصلاة ربي عد وبل الشخاتير
على النبي الهادي اللي هداها