هات القلم هاته نبي نكتب ابيات ابيات باللي دايم الدوم نايف حر تعلاّ فوق هام الطويلات حر مكانه فوق روس النوايف حر وصل حد النجوم البعيدات معروف منهو نايف الصيت نايف اللي افعوله شامخه مثل ابانات حتى العمى لفعوله البيض شايف ماشي بدرب الحق موزون خطوات واللي مشى بالحق ماهوب خايف وقتٍ مضى فيه الشقا والمعاناة والناس عاشت بالوزا والكسايف وقتٍ عسى الله مايرد الذي فات يبست من اهواله طري الشفايف عيون ومن الخوف ماتقدر اتبات وارياق من غدر الليالي نشايف واليوم من زود الامن صارت الشاة تمشي بجنب الذيب مثل الولايف مجهودكم بيّن ولا يلزم اثبات مثل البدر وافي بليل النصايف ماقوله امجامل ولا هي محاباة هذي حقايق ماهي اخبار زايف يشهد على ماقول رب السموات والخلق تشهد من جميع الطوايف ماينكر افضالك على الامن بالذات غير الحقود اللي بلا رأي هايف يانسل ليثٍ لم شمله من اشتات جت له بعد ما سل حد الرهايف عبدالعزيز اللي ترك بعد مامات تاريخ مايوفيه زين الوصايف اسم على مسمى سكنت الرفيعات نايف وتبقى دايم الدوم نايف عساك ترفل بالفرح والمسرات والله يجيرك من شرور الصدايف والختم نضرب لك سلام وتحيات ياسيدي ما طاف بالبيت طايف
