حلول اللغز

بلغ سلامي يا نديمي للفهيم
قل له ترى لغزك علينا ما يكود
مقام ابراهيم في مكة مقيم
حافظه رب الكون عن كيدٍ يكود
عبدالعزيز بن حمود الهاشم- حائل
اهلاً هلا بك يالكثيري يا فهيم
عد الشجر واعداد ذرات النفود
هذا الحرم حبه نحطه بالصميم
كثر الغلا بصدورنا ماله حدود
ترى شفت الحل من حول الحطيم
خلف (المقام) الناس ركاع وسجود
علي رشيد الرشيد- رياض الخبراء
اهلاً هلا بك عدما هب النسيم
في صفحة تجديدها ماله حدود
انا اشهد ان اللغز يا الغالي يتيم
لكن على الشعار حله ما يكود
من بعد هذا بين زمزم والحطيم
شفت المقام وحوله العالم سجود
عطا الله بن سليمان العطا الله- - الزلفي
اكتب جوابي فوق سطر مستقيم
عساه بعد الفرز من ضمن الردود
خليل الله سيدنا ابراهيم الكليم
كليم الله (مقامه) بالحرم موجود
صويلح بن عبيسان الشيباني- الرياض
اهلاً هلا حييت يالرجل الفهيم
ما لاح برق الغيث.. وما لجت رعود
اكيد لو ناديت في ليلٍ بهيم
نسري نقص الدرب.. والذاهب يعود
يا كيف ننسى ذكر سيدنا ابراهيم
دام المقام ابيت ربي له وجود
فهد الجروان- الزلفي
بالفكس حنا نرسل الشكر العظيم
على ما يبذل بالجزيرة من جهود
والحل واضح بالكثيري من قديم
هذا المقام ولا تعديت الحدود
سعد بن مويزر البدراني- الرس
يا مرحبا بك عد ماهب النسيم
يا شاعر لك في سما المعنى وجود
المقام اللي ابيت الله مقيم
نعرف نباه وتعرفه كل الجدود
فيصل فهد العمار- - الزلفي
سلام من فيفا يصل عبر النسيم
محمل بالفل وانواع الورود
لكل نبيّ معجزات يا فهيم
منها بنا ابراهيم للكعبة حيود
بقى المقام اللي وقف به مستقيم
يقف به المسلم وتقديره يزود
حسين اسعد السلماني- فيفا
يا مرحبا ترحيبة عبر النسيم
ارسلتها للي لهم شان وجهود
واللغز حله واضح.. وشانه عظيم
وسط الحرم متبينن مثل العمود
ما هو بعيد شوي عن ركن الحطيم
صانوه ناس للعدا مثل الفهود