رحل وهو لم يتجاوز (44) عامًا .. بندر بن سرور .. شاعر أنصفه شعره

من شعرائنا الشعبيين الذين رحلوا وبقي شعرهم ليجسد ما كان يتميز به كل منهم من ابداع وتفرد،الشاعر الكبير بندر بن سرور يرحمه الله والذي هو اشهر من نار على علم على مستوى خليجنا المعطاء،وحبا في هذا الشاعر ورغبة في تسليط الضوء على شعره وما يتميز به وعرف عنه من جزالة وسمو، ولأنني وغيري من محبات ومحبي الشعر نجهل الكثير عن هذا الرمز او المدرسة الشعرية التي تحتذى، يسرني دعوتكم لمشاركتي قراءة هذه القصيدة التي يعرف نفسه من خلالها حيث يقول:
ماني وانا بندر براعٍ ولد راع =انا الحصان اللي طوالٍ حباله
إبن سلايل خير من شالت القاع =المصطفى الهادي وديع الرسالة
ماني وانا بندر ببيّاع دمه =يقطعك يا بياع دمه و مهفيه
اللي يبيّع لابسات الأزمه =ثورن يبي بيض العماهيج تغنيه
ماني وانا بندر بهيسن ولد هيس =هيسٍ يدنع عند حرمة قصيره
ليا بغيت اجلس ترى لي مجاليس =وليا بغيت انهج دروبي عسيرة
ماني وانا بندر بهيتٍ ولد هيت =هيت مقابل خمّةٍ يكرهونه
من كثر ما جرّبت وأقبلت وأقفيت =قولة هلا من لا يودّك مهونة
ماني وانا بندر على درب الأنجاس =اللي قريبٍ تفلها من لحاها
أنا بدرب الصيرمي عدم الأجناس=زيزوم روق ليا تنصّت عداها
ماني وانا بندر بنصّاي جابان =شوخ الجموس مناقرين الحليلة
ليا صار لي لازم نصيت ابو فيحان =شيخ الشيوخ مكمّلين الجميلة
صوتي وانا بندر طويل ليا بان =إن ما خشيت الرب ويش اختشي له
ما ينرمي قولن على غير نيشان =و من لا يثبّت حجته ويش هي له
وبندر بن سرور شاعر امتازت أبياته بالحكمة وقوة وعمق المعنى، تميز بدقة وصف الصقر.. ومن بعض أبياته فيه قوله:
لا يا عيون مقرنس زان دله=حر ليا روح حصد برق الأرياش
والعود ريحان لعب فوق ظله=ومنين ماهب الهوا يرعش ارعاش
والخد براق سرى مقدمن له=ليا صافقت مزنه معاصير و رشاش
وهرجه حليب اللي ولدها تتله=توه صغير مع مغاتير الادباش
وأيضاً:
لا يا عيون اللي لياصك بالجول=منه أبرق الجنحان عجل مطيحه
وهو شاعر عُرف عنه حُبه للتجول والتنقل والحرية، قصائدة تدخل إلى قلوب الناس لجمال معناها ومن أبياته المشهورة قوله:
أحد ينام وحط راسه بكمه=وأحد تخم النوم عينه و تخطيه
وأحد يحاول بالردى بنت عمه=وأحد يحاول ستر عذرا عوانيه
وهو شاعر ظلمته الأيام كثيراً لكن ما زال ذكره باقيا مخلدا بقلوب وعقول كل من قرأ وسمع شعره الرائع، دقيق الوصف وفي السيارة يقول:
راكب اللي مخ رجلينه خنازير و هوى=أشهب في مقدمه بارقين و عكس تاج
متر في مترين مستبرم كله سوى=حايفه حطاب ماسمكره راع الكراج
توفي شاعرنا عن عمر يناهز الأربعة والأربعين وترك خلفة الكثير من الثراء الشعري ومن أبرز قصائده:
الله من عين ليا عسعس الليل =عافت لذيذ النوم ماتهتنيبه
ياوين أبلقى من يحب التعاليل=يبدي بزين القول و الا ابتديبه
خطو الولد يامال قصف التماثيل=يشرح عيوب الناس ماشاف عيبه
يفرح ليا شاف المجالس هراميل=ويكره ليا شاف المجالس مهيبه
ماشوقنه طيبات التماثيل=مع شايب قد بين الوقت شيبه
ماهوب شايب شيبنه غرابيل=عيد يقفي به وعيد يجيبه
وانا الذي شفت الوزى ياسماعيل=طاوعت نفسي لين شفت الغليبه
النفس طير والخطايا محابيل=والناس روَاي الحديث تحكيبه
وانصحك ياللي تايه بالدواويل=اليا تاه فكرك تاه مسرى النجيبه
احذر تصلي بالهدوم المسابيل=واحذر تخاوي اللاش تابع نسيبه