التأمين الصحي إلزامي للمنشآت التي يزيد عمالها على 50

كشف أمين عام مجلس الغرف السعودية الدكتور فهد السلطان عن وجود اتجاه داخل مجلس الغرف السعودية إلى إلزام الشركات والمؤسسات التي يزيد عدد عمالتها عن 50 عاملا بالتأمين الصحي على هذه العمالة. وقال إن الاجتماع السابع والستين لمجلس إدارة مجلس الغرف الذي تستضيفه الغرفة التجارية الصناعية في المدينة المنورة اليوم. بمشاركة واسعة من قيادات العمل في القطاع الخاص السعودي من رؤساء الغرف التجارية والصناعية ونخبة من رجال الأعمال السعوديين. سيتناول موضوع التأمين الصحي على العمالة وإلزاميته على الشركات والمؤسسات التي يزيد عدد عمالها عن 50 عاملا.
افهم من كذا
ان اللي عنده اقل من هذا العدد مايحتاج .. يأمن
كان عندكم خلفية افيدونا .. مشكورين
اقول بدري ياشيخ توه الناس اصبر شوي باقي كم واحد متسبب
يوم أمنووووووووو المساكين وقصب من عند العلبات
((((اجل العامل اللي سنه فوق 65 تأمين ثمانية الاف ريال)))))
والبطاقة الصحيه تجي بعد شهر ونص وش باقي من السنه.......
يعني مثال.... عندك عامل تنتهي اقامته بعد شهر ورحت للجوازات وقالوو لازم تأمين بحجة SYSTEM مايفتح الا لازم تأمين.... ورحت لتأمين ورصيت مع البشريه واخذت رقم 415 يعني بعد يومين يجي دورك واخيرا تم التأمين....و يقولون البطاقة التأمين بكرة بعده وتقعد شهر تقل حالفين عليك تجي وتنتهي الاقامة ويأتي التأمين بعد جهد جهيد وترووح للجوازات وتتفاجأ يقولون عليك غرامة تأخير تجديد طيب ياناس ياهوووو غرامة فيك فيك
لا والادهى من ذلك والأمر من هذا كله.....
ربطه بالجوازات الحين اللي تم التأمين عشرة عمال ودفع مبلغ وقدرة كل على حسب سنِه وينه من هذا القرار ......................
واصلا قرار فاشل لأن وزارة الصحه سبقتهم اليه مايعالج في المستشفيات والمراكز الصحيه الحكوميه غير الراعي والمزارع والسائق
العمال الباقين يروووحوون يتعالجون على حسابهم يعني (((صبها هي احقنها )))
النظام بمعني النظام زين وحلووو ومافيه احد يكره الا اللي يبي الفوضى
لاكن شغل التحجير وكل يوم قرار وبكرة ...مثل عجة ضاربة الخيام اللي راحت خيمته الشكوى لله وحصل خييييير
هذا مرفووووض ثم مرفووووض ثم مرفووووض
نحن موظفون المطار الى حد الان لم نستلم التامين الصحي رغم تحويلنا و توقيعنا العقد مع الهيئه .. وبعض الموظفون وقعوا العقد معهم ولكن يبدا عملهم السنه القادمه يبقون دون تامين لحين يتحولون وتاتي السنه القادم .. ونحن بحاجة ماسه لتامين الصحي خاصة واستقلال المستوصفات والمستشفيات الاهلية للمواطنين تحت مسمى التامين ونحن لا نملك التامين الى حد الان . وحتى الموظفون التي وقعوا عقودهم على السنه القادم يبدا عملهم فلا بد من تامين لهم اسوة بزملائهم .
انتقذونا ياوزارة الصحة من تلاعب المستوصفات الاهلية ونحن نعالج على حسابنا الخاص وليس التامين وهو يسحبون من جيوبنا تحت مسمى التامين دبل فلا بد من جولات تفقدية او وضع موقع الالكتروني لشكاوى على المستوصفات المتلاعبه
أمنا على العمالة عندنا وهم أقل من 20 عامل ومن يحمينا من اللي أكلوا دراهمنا.
اسم وش يقولون اصلن المؤسسه لو عنده عامل واحد اجبروه على تامين صحي وانا اولهم حتى ولو اول عامل باسمك
انهم يقولون مالا يفعلون
غير صحيح اطلاقا عن عندي مؤسسة فيها 4 عمال وقبل شهر مسوي تأمين طبي لهم
الواحد 996 ريال
حسبي الله ونعم على من طلع القرار ..!!
فهمك صحيح ياضيف وانا اعتقد ان النظام هذا مطبق من زمان وليس الان
اخوي ضيف وصلت خير وفهمك صح
لان الان التأمين الصحي الزامي على العماله كلها سواء عندك عامل واحد ولا 100 عامل
شكل الدكتور نايم !!!!!!!!!!!!!
وينك انت فية ..... شكلك ما تدري وين الله حاطك ؟ !!!!!!!!
التامين الزامي على العامل الواحد يا هووووووووووه
وكله من بركات القصيبي المخرف
تامين عند التامينات ........... تامين عند التعاونية
ياشباب فية شركات تامين 600ريال مربوطة في الجوزات جداد الاقامة وبعدين دبر عمرك
منسدح وش اللي 8 الاف يارجال يسولف لي مصري يقول فيه صعيدي عمره كبير شوي راح بيأمين قالوا له ب 11 ألف ههههههههه
الرجال بغى ينصرع يوم سمع هالمبلغ وخرج نهائي وسافر لانه خلال سنه كامله عمل ماراح يدخل 11 ألف قطعوا رزقه المسكين
طيب ياجماعه ابو محمد واحمد وابو ريان ولايهونون الباقين دبروونا وش الشركه اللي ب 996 ووش اللي ب 600 ريااال يابو رياان
رحنا فيهاا مع هالتأمييييييييين
اخوي متوهق انا اقولك ايش الي يقولو الشباب هو تأمين التعاونية بس كل ماتضيف عدد عمال كل ماينزل السعر
والشركات الثانية الي رخيصه تحصله بعمارة العويضة بس الي سمعت انه صارو يشرطو لا زم فوق عشرة عمال فمافوق
واذا انت عندك اكثر من 15 عامل روح اللتعاونية على العامل 590 ريال بس شرطهم تأمن للعمال الخمسة عشر دفعة وحدة وهذا تحصله بالغرفة التجارية ببريدة
طبعا كلامي من تجربة على تاميني لعمالي
لكن اذا كنت تريد العامل يستفيد من التأمين فأنا انصح بالتأمين التعاونية لانه هو افضل الموجود حتى ولو زاد 200 ريال بس اهم شي فلوسك تستفيد منها ويستفيد العامل من التأمين
وبنفس الوقت المستشفيات الي متعاملين معاها لابئس بها
بسم الله الرحمن الرحيم
السلام عليكم ورحمة الله وبركاته
عرووض خاصه في تكافل الراجحي للتأمين للمركبات والتأمين الصحي ,
تكااافل الراجحي
ALRajhi Takaful