قياس يعلن مواعيد الاختبارات لكافة الخريجين

أعلن المركز الوطني للقياس عن موعد التسجيل لاختبار المعلمين وأعلن المركز أن التسجيل يبدأ من يوم 1/ 12/ 1431ه إلى 16/12/1431ه.
وسيكون موعد الاختبار يومي السبت والأحد 21/12/1431 ه , لخريجي الحصر من كلية المعلمين ، وأعلن المركز أن اختبارالخريجين من الجامعات الأخرى خلال الفترة بين 15/2/1432ه و 15/3/1432ه على أن يكون الاختبار نهاية شهر ربيع الأول من العام 1432ه.
وفقاً للجدول التالي :
وبعدين ياخياس
وبعدين ياوزارة الخدمة المتدنية
وبعدين ياوزارة التعتيم
كل سنه نختبر خياس ونتجازه وليس هناك تعيين
فلوسنا تاخذونها ووظائف مافي
وش السالفة ؟؟؟؟؟؟
السلام عليكم ورحمة الله وبركاتة
حبيت اسأل ؟؟؟ الخريجين السنة هذي قصدهم معلمين ومعلمااااات...
يعني التسجيل يشمل خريجات السنة هذي ...بنات
كل هذا عشان ياخذون رسووووووووووم من المعلمين ولا اكتفوووا بالطلاب فقط
حتى هيئة التخصصات الصحية تسوي اختبارات للمتخرجين والمتخرجات من التخصصات
الصحية بكل الدرجات التعليميه واتفاق مع وزارة الخدمة المدنية ان تكون شهادة
المعادلة الصادرة من الهيئة من ضمن مسوغات التعيين .
أنا أسأل نفسي ما هو دور حكو متنا أليس لها كلمه معقوله الطالب والطالبه بعد خمسة سنوات في الجامعه يجب أنه يجتاز أختبار القياس طيب خلوها من أولها أختبار قياس ونترك دراسة الجامعه والله مهزله القصد من هذا كله أنك تدفع 150 ريال الدوله غنيه عن هذا نتمنى من خادم الحرمين الشريفين أن يضع حد لهذا والله المواطن السعودي تعب تعب تعب قياس من جهه ونظام ساهر من جهه هل نترك البلاد ونذهب إلى دوله أخرى أخبروني ماذا نفعل وماذا يفعل المواطن الذي راتبه 2000ريال ؟
قسم باللة انة قمة الظلم انا مادري يعني وش يستفيدون من الاختبارات هذي الحين الخرجين من الجامعات والكليات الصحية حتى الاسئلة مالة دخل باختصاصك
حرام عليهم بس عشان ياخذون الفلوس وعاشن يعيقون الخرجين عن التوضيف
ماقول الا حسبي اللة عليهم الى متى وحنا نسكت على الظلم اللة لايوفق من جاب القرارات
طيب وش نسوي ساقطت مرة مرتين وبعدين
طيب قولوا ماحنا موظفينكم عشان ماندرس اللة لايوفق من سوى القرار
حنا اغنى دولة بالعالم وعند نسبة باطلة الى الحد ذا وعايشن بفقر
ياخي ارفعوا براميل النفط وعايشون ماهو بس الاسعار ترفع بكل شي مافية وظايف
كم اقعد وانا متخرج 5 سنين
ليت ابو متعب يدري باحلنا واللة مايتركنا مايدري هو الي تحتة يقولة الشعب عايش بخير
طيب انا خريج لغة عربية وناجح بالقياس ..
وقبل ثلاث سنوات نجحت بالكفايات..
واجتزت جميع المقابلات ..
والنتيجة .. اربع سنوات وانا عاطل
لابارك الله فيكم انتم واختباراتكم
همكم الأول والأخير هو ال 200 ريال
الي راح تاخذونا من كل عاطل فقير ومسكين
وش ذا الظلم الموووووووووت ارحم
انا خاطب لي سنتين عندي امل لما اتخرج باتوظف طبعا لان تخصصي انجليزي قلت ما راح اجلس
طلع لي الخياس الله لا يوفق من حطه
لي سنتين والبنت معلقه مدري شسوي
اختبرت القياس وما نجحت وانتظرت للسنه اللي بعدها واختبرت وما نجحت اااااااااه بس مدري شسوي
ودي امووووووووووووووت احسن لي
يا اخي سلطان المحيطب انت الان لم تفهمنا شيء سوى التسجيل اما الباقي لو اجلس عليها شهر اقراها مافهمتها
الرجاء التطوير بستواك التعبيري والصحفي والبلاغي كي يفهم المقصد ( نقد بناء)
اسمعوني زين
وزارة التربيه والتعليم ووزارة والخدعه المدنيه مالهم بالسالفه
ترى شركة قياس صاحبها امير صاحب سمو ماهو عارف كيف يمص الشعب طلع بسالفة قياس وصار ياكل منهم الملايين وترى الهدف والله ماهو الاختبار السالفه باللي تدفعوه وبس
انا اعمل بالتعليم حسبت بحسبه بسيطه كل فترة اختبار تقيمه شركة قياس لطلاب المملكه تخيلو طلعت 400مليون بكل اختبار ويرجعو يعيدوه مره ثانيه يعني 400ثانيه وكمان للي يبي يحسن مستواه نقول 200ثانيه هذا واقع والمراقبين مدرسين من المدارس بمكافئه بسيطه جدا فهمتوها زين كيف استنزاف المواطن وميه على ميه تجيب مليار
طبعا المليار مايكفي صاحب الشركه دخل باللي محتاجين الوظايف يدفع مايقول لا محتاج وظيفه مسكين
اقولكم الخطه الجايه اختبار قياس لمن هم على رأس العمل والا راح يفصلوه
فهمتو اللعبه لاوزارة التربيه ولا الخدمه يقدرو يسوو شيء
سبحان الله نصب علني والا جامعه تخرج معلم القياس يقول ما ينفع شيء مضحك
اللي كانو يدرسو زمان كان معهم رابع ابتدائي وخرجو دكاتره ومهندسين ما اختبروهم
البلد صارت مليانه مصايب الله يستر على الاكسجين راح ندفع عليه بكره عشان نعيش
عجبي
ليش مايكون هناك اختبار قياس للمسؤلين والوزراء لتحديد مدى كفأتهم بالمنصب الموكل لهم؟؟؟؟
الجواب:
لأنه لن ينجح احد
لمن تذهب رسوم اختبار قياس؟؟
الى متى قياس هذا ؟
لماذا لا يترك لكل جهة ان تجري ما يناسبها من اختبار
اتركوا جباية الناس
سنويا يختبر في قياس اكثر من 2 مليون
تضربها في 100 ريال مثلا
000 000 200 ريال
ربع مليار ريال ايراداتهم وين تروح ؟!؟؟!؟!
اختبار قياس مدته ساعتين
اذا رسبت استنى سنة ثانيه علشان اختبر مره ثانية وادفع
اذا نجحت برضو اجلس استنى لسنة الثانية عشان مافيه احتياج
وفي كل الحالتين انا مظلوم فكيف تختصر خمس سنوات دراسة في الجامعه
باختبار زمنه لايتعدى ثلاث ساعات واسئلته أكثر من الهم على القلب
وليه مافيه احتياج طيب ليه من البداية تفتحو قسم لغة عربية
ابغى اعرف بس كيف تضيع 5 سنين بختبار مدتة ساعتين..اش العالم ذي ماتفكر..يعني المعلمين الي الحين مرة كويسين فاهمين ..مو برضو هم مااختبرو قياس..وانا اراهنك انة المعلمين بنسبة70% يخرجو تحاضيرهم من النت ...اش االعالم ذي همها فلوس وبس..والله اختبار القياس الي العام غير اخذت الفلوس سلف..ياناس وراعين الأن مدرسين ..لية طيب يقلك قسمهم مرغوب...يعني اللغة العربية عليها العوض..خلاص وقفو القسم ولا عينونا ...شكلنا بنموت على حسرتنا..
مااقول غير الله يرزقنا من عندة..أمين
عزيزي مقرود حضي
انا اختبرت مرتين قياس وكل مره 200 ريال ويرسبوني
ولا بذمتك عمرك شفت اختبار لازم تجيب وصل من الصرافه انك مسدد رسوم قياس
يعني اوضح من عين الشمس مجرد جبايه فلوس
لكن لقيتها لك على قولتهم لقها الهواء ورب البيت كريم
الشكوى لغير الله مذله
اوصيك بالاكثار من شرب الشاهي وكثره الهواجيس تراها توسع الصصدر
ولا وضايف وزواج وبيوت بالجنه ان شاء الله
والله تعبنا ثالث مره اختبر وعشان تخصصي لغة عربية ماعديت ياناااس وش نسوي وين نروح ياعالم حسوا فينا
اختبرة اختبار الجامعين وعديت منه وهو اصعب
مايخافوا الله فينا مالنا حق نعيش بالحياة اش نسوي ننتحر والا ايش
صارة اعمارنا فوق 27 ولاسياره ولازوجه
حسوااااا فينا يابشر وينك ياابو متعب تشوف حالنا ضيعونا حسبي الله عليهم
وربي قهر الحين انا حاطه املي كله اني اخلص الجامعه وادعي ربي بكل صلاه الاقي تعيين عشان اساعد اهلي واحسن من حالتنا الماديه الي مايجي نص الشهر مانلاقي شي لاكن ماقول غير حسبي الله والنعم الوكيل وربي الي يده بالمويه مو زي الي يده بنار الي منزل القرار تلاقيه شبعان وموحاس بناس الي ماهي لاقيه تصرف والله والله احيانا مانلاقي الريال ليه الظلم هذا ليه واحنا دولة بترول المشكله انو الشعب ماحط رجل على رجل وقال الدوله تصرفنا بناتنا وشبابنا وربي فيهم الخير لاكن محد مديهم مجال وربي نفسي اهاجر للكويت ولا الامارات الطفل من تجيبه امه له راتب اه بس ويش اقول وايش اخلي وربي محد حاس ولا يخافون ان ربي يسخهم مره وحده شكلي بشتغل شحاده بشوارع عشان اساعد اهلي
وربي قهر يناس وربي انا استنى اليوم الي اتخرج فيه وادعي ربي بكل صلاه اتعين عشان اساعد اهلي واحسن من الحاله الي احنا فيها الي مايوصل نص الشهر الا مافي شي واحيانا الريال مانلقاه بس الي يده بمويه مو زي الي يده بنار شكلي بتوضف بشرشوره ولا عاملة نظافه هاذي الوضايف مافيها قياس ياخي الحين سنين ادرس واذاكر واخرتها اختبار مدته ساعتين يحدد مصيري وربي ظلم احنا دولة بترول المفروض يكون حالنا متحسن وربي عيالنا وبناتنا فيهم الخير بس مافي شي يشجعم يعني محد حط رجل على رجل وطلب المصروف من الدوله كل واحد يتعب ويتعب ويطلع اجرت تعبه ليه القرارت هاذي والله الي نزل القرار لو يوم حس بالجوع والتعب وربي غير يحس بس المكيف من كل جهه عليه وين بيحس
يالله يااااا الله يالله يااااالله سترك يالله رحمتك ياربي
هنا الحل
بسيط جدا :::: 1- عدم الاختبار وعدم التسجيل في الاختبار ( بس فين التكاتف )
2- الرفع لمقام خادم الحرمين حفظه الله بمشكلة النصب القائم
3- الدعاء الدعاء على فيصل المشاري (رئيس شركة النصب خياس )
صيغة الدعاء (بان الله يجعل كل ريال اخذها من العاطلين انه يصب هالريال في علاجه من مرض ولا يشفى بأذن الله ) ( اخر الليل عند الكعبه وقت الصيام يوم الجمعه )