قلوب الشعب في همٍ وحيره يا بو متعب من العلم مخطوره قلوبٍ عاشت بحبك أسيره ولك فيها الغلا صوتٍ وصوره ظهرك الله يا بو متعب يجيره من الي جاه والباس وشروره خطاك السو يا صافي السريره يا بو نفسٍ على شعبه غيوره ملك رحمة ولك منهج وسيره وعلى الايتام دمتعك مخبوره وشملت ايضا الفقير مع الفقيره بعطفك من يجيك تزين اموره وعلى كل العرب تاخذك غيره وعن الاسلام تحشد كل ثوره ألا يا نسل من نوخِِ بعيره على صدر الوطن وأعلن حضوره بعد ما خاض جولاتٍ خطيره على هديٍ من الدين ومشوره مع السنه خذ المصحف شويره ونفسه من معاديه معذوره عليه يسل سيفه من جفيره ويضربه من اليمنى الجسوره ووحدها على نور وبصيره بعد ما عانت الظلم وعصوره مشى بالعدل من ديره لديره وفي تأسيسها يا كبر دوره نقلها من شتات ليا جزيره وصارت مملكة عدل معموره جدير بحكمها وهي جديره بحكمه دايمًا تبقى فخوره هذاك معزيَ ومافيه غيره ماكن الله خلق غير اخو نوره عسى الفردوس سكناه ومصيره وسقى الله قبره الورد وعطوره ولازال الشعر فيك اتعبيره وتفخر بك معانيه وسطوره يا بو متعب عسى في الامر خيره عساها لك يابو متعب طهوره عساها عين نظرتها كسيره عساها عنك يا بوي معثوره والا يا الله يا للي تستجيره عباده فالرخا والا الضروره تعمه منك عافيةٍ وفيره وبلطفك صحته دوم مغموره ويصير رضاك دايم هو خشيره وملائكة الرضا دايم تزوره مبارك بن مخلد الذيابي
