تعبت من كثر الكلام وقلته واحترت مابين المنافق والكذوب ناسٍ على نقل الحكي متفلته ما خافت الله يوم حاسب ومحسوب والعالم اللي بالسوالف دلته عندي عليها ما تعوده الدروب وسيفٍ ليامن غبت جوه وسلته يدخل جفيره لا تداعن النشوب واللي حضوره لا حضر زي قلته ماهو على مثلي من الناس محسوب انا مكاني بالوفا ما احتلته ناسٍ غلاها قرقره داخل قروب أخر مداها بالخوي لا ملته يا سكر الجوال يا جاك مغصوب والا انا ما تختلف جبلته الوجه واحد فالشروق وفالغروب مثل الجبل رساوته ما هلته لطم الليالي مع مصافقة الهبوب معى خويي بالرحيل وحلته ثابت قدم لو ولعت دونه شبوب انا حزام اللي ظروفه علته ماني معلقها على صوبن وصوب ماني رفيق اللي ما يحسب زلته ولاني رفيق اللي نظر عينه يا دوب راسي سعاطير النشب مشتلته ماني من اللي نص عينه فالجيوب عمر الظروف الموجعه ما شلته ولاهان نفسه يوم لضيقه دروب بعض البشر خيره يجي في طلته وبعض البشر عرفه من اكبار الذنوب واخير من كثر السوالف قلته مغنيني الله عن مخاوات الكذوب
