لغز الأسبوع الماضي من طرح الشاعر عامر ناجي الحنتوشي من ساجر الذي يقول: ويش عذرا تحكم الانسان ما واحد حكمها لا تخاف ولا تشاف ولا لها ميعاد ثابت الرجال بحكمها الجاير غدا منها نسمها أمرها مسموع عالي صوتها ما هو بخافت وقد توصل للحل شعراً مجموعة من الشعراء ولم يتوصل للحل نثراً أحد.. مرحبا واللغز فكره صاغها منهو رسمها يا هلابه عد ما يمطر وما ينبت منابت حله العطسه وانا احمد ربي يوم انه قسمها شمت العطاس وذكر من عطس لا صار ساكت صلاح بن عبدالله اليابس - رحيمة يبو ناجي مرحبابك عد ما رفرف علمها شفت عذراك وسمعته بين حماده وشامت من عطس جسمه تريح والضرر للي كتمها شمته بأول وثاني وإدع له في حال دامت فهد بن عقيل الطويان - بريدة ارمع العذرا وبشكر بالخزامى من نشرها طاب كيفي من بيوت بالجريدة يوم طابت عطسة لاجت صعيبه لا حاول ما منعها الله الوالي بفضله بالمطر يسقي منابت فالح غازي الحربي - رياض الخبراء من جميل الشعر روحه يوم عامر لي وسمها قلتها والحل جاهز بالعلوم اللي ثوابت عطسة الانسان نعمه يشتكي منهو لطمها يحمد الله ثم يلقى من جواره رد خافت علي رشيد الرشيد - رياض الخبراء حل لعزك يالمخضرم عطسة عندي خبرها في جيوب الأنف لاجت للصدور والحلق حاست وانتبه لا لا تهاون لا تهاون في خطرها خلها تمشي بدربه خارجه لو كنت صامت محمد أبو دحيم - البدائع لغز الأسبوع: كتبه للصفحة الشاعر سالم البشري من الجبيل ويقول: ويش الغريب اللي دخل مع هل البيت ابدى لهم حبه والاجواد حبوه إن قلت أخو للفارسي أو بعد هيت ما من أحد غيره بذا الاسم سموه نستقبل حلول اللغز على الفاكس 4871070 أو الإيميل [email protected]. نرحب بالحلول النثرية من دون شعر ونرحب بطرح الألغاز وأهلاً بالجميع.
