يا مرهب في الدار هذا جزا الدار الله يعين ام غدرها ولدها ام غذته وربته بالجفا دار خيب هقاويها وخان بعهدها والدار من دونه كبيرين وصغار ناس تصونه ما تخون بعهدها الدار ترخص دونها غال الاعمار الدار ذاري النفس وانا جسدها دار ثراها عندنا ورد وانهار الله يقصف روح منهو حسدها دار حميناها على جيش ومهار بعبدالعزيز اللي بسيفه هجدها تباشروا به يوم ضجات الاخبار وقيل الرياض اليوم جاها سعدها يشهد له المصمك على كل ما صار وتشهد روابي نجد يومه هجدها حر مخاليبه ذوابيح بتار لا هوى على جول الحباري سردها العقب حول فوقها واف الاشبار اهوى عليها لين فرق بددها واستطمعت يمناه بيمين ويسار ومع كل مهياع سهدها مهدها مرحوم يا عود عليه الثرى دار اللي جعل كيد الاعداء في كبدها وعقبه حكم سعود وله السعد دار سمي ابو خيرين وزود سعدها وبعده حكم فيصل حكيم بالافكار وسياسته والله محد وجدها والله ما مثله حكيم في الاقطار حاكم حكيم والسياسة صهدها وعقبه حكم خالد وخيراته انهار يعط العطايا ما يحسب عددها واليوم في حكم الفهد والفلك دار أسس مبانيها وطور بلدها ذولا هل العوجا طويلين الاشبار حكام نجد لا تلوث عقدها وطويق ما هزه من الناس ديار واللي تهقوى رقيته ما صعدها الدار ننطح دونها كل غدار يقوله اللي وامن في رغدها دونه عيال العود لا صار ما صار افعالهم محد يميز عددها ملوكنا تضفي على الشعب بستار وتحط ولد الشعب كنه ولدها وملوكنا تقدر صعيبات وعسار ترفع بثار الدار للي جحدها من دونها فهد الفهد درع وستار مع فارس الفرسان والي عهدها وسلطان سلطان السعد حر الاحرار يقود قوات ينومس هددها تضرب مزاميره على كل مزمار يثور بركان تزايد وقدها تهوي بنجم يخسفك عشرة امتار هذا جزا اللي نعمته ما حمدها هدمت بنيان وضحيت بصغار ويتمت قصار قليل جهدها ضعت بزمانك يوم ضاعن الافكار بغيت تكحلها وزادت رمدها كانك تب الجنة تحرص من النار اتبع مناهيج النبي واعتمدها الدين يبغى خشعة وقت الاسحار وكل يشوف اعماله اللي رصدها لا تصير مثل اللي هوى النار في الغار حافظ بأمان اللي حظنتك بيدها مانتب وكيل آدم على همش الاخبار طبيت في بحور تصافق زبدها لا ثارت الهيجاء على كل معيار طرت بهواها يوم يرزم رعدها عيلجت مرتاح ولا سقت مقدار ودرست جهالك بحالي رغدها امكملينه بالخدامات يختار ولا عرفنا النية اللي قصدها ويا جيلنا ارفع شعارك بالانكار شبابها الشجعان شمعة بلدها اللي على طوش السفينة فالبحار واللي مع الصحراء يزود وقدها واللي شهر في الجو يشرف على الدار انتم جنود حدودها يا سندها يفداكم اللي صار في الدار غدار نسى منافيع طويل مددها ما عندنا لك لوم يا خاين الدار شالتك بنت ابليس ويا ولدها حنا صبرنا والصبر فالحشا ثار والزود لا جا البندقية بجدها قد قالها قبلي فهيم فالاخبار عبدالله الضرغام والي عهدها ويا الله يا رب عليم بالاسرار انا بأمانك نهتني في رغدها لديرة عسير موجهين بالاشعار هي تاجنا المرفوع والسيف يدها لأميرها والنائب اللي بها سار بالطيب فوق التاج زود عددها وختامها صلوا على سيد الابرار نبينا اللي سنته نعتمدها
