راع الغنم زادت به أفراح وسرور من عقب ما زاد العدد في حلاله الشاة ولدت له رخيلات معذور معذور يفرح دام هي راس ماله وحاله يقول إن الشعر صار مجبور مجبور يكتب لي قصيد ومقاله سعود بن سعد الحافي الرياض البشاير يا هلي تبغي البشاير والحظوظ العامره تفرح أهلها وأنت يا مربي الغنم من الشوق طاير خمسه من الخرفان جاتك في عجلها الغنم نعمه ولا فيها خساير كل نصف الحول تبشر في دبلها خالد بن ناصر المخيمر روضة سدير الغنم والله غنيمه والبهم تبغا الربيع جهزوها للوليمه نشتريها أو نبيع والضحيه السليمه حايل ما هي دفيع محمد عبدالله المجلي حوطة بني تميم معجزه سبحان رب المعجزات خمسة الطليان من شاة وطلي وكان تبغا الصدق والهرج الثبات كثر من الظين والمخرج ملي فهد حمود آل جنبان الدوسري وادي الدواسر عطاك الولي من جزل مده يا راع الضان عطاك أربعه سبحان سبحان خالقها على معتقد انها اشقا على أم خوان هذا حسب نظره من عيوني مدققها وان ما هي تواما جل شانه عظيم الشان سبحانه مشابه بين خلقة ورازقها سلطان بن حمد أبوشقاف الحبابي الطائف شد الرحال ودور الخير يافلان وأرضك ترى العربان ما يقطنونه معك الرخال وفكرك اليوم حيران أبحث عن المرباع لا تتركونه ياحيثها تحتاج عشب وريضان والمقبله باذن الولي تجلبونه محمد بن عبدالعزيز الخنيفر أشيقر صورة خزامى اليوم صوره عجيبه كيف نعجه تلد لها خمس طليان وراع الغنم يقول ما هي غريبه وينظر لطليانه مكيف وطربان ويقول شاتي ما قسم لي تجيبه مرّه تجيب رخال.. ومرات خرفان زبن مقبل العنزي بريدة يا راعي الشات والطليان باقي الغنم وين وديته؟ راعي الغنم دائماً تعبان يصرف عليها مع بيته أخذ التعهد على الرعيان يا طيبك ان كان سويته شبيب بن حمود بن جلهم القحطاني المزاحمية خمسة حلوين من شاة أصيله فرحتي والله بهم فرحه كبيره توأم نادر من أفضل فصيله في العجايب جالهم ذكر وسيره أحمد الله دايم أنعامه جزيله في البهايم أجر وبرعايتنا جديره ناصر بن جمعان آل عواض وادي الدواسر يا رب ترحم ضعفةٍ لك مساكين بارضٍ هزيله ما بها عشب وقفار عقب الولاده ما تغذوا إلى الحين شفت أمهم يا ناس قلبه لهم طار من قلة الحيله بدت تأكل الطين وترجي عسى الله يرسل السيل مدرار عبدالكريم النغيمشي الربيعية
