التيس ويش جابة على خضر الاغصان ويش جاب تيس البروفوق الغصوني نازل محل الطير من دون جنحان مابه غرابة بزمن صدقوني باوقت ويش اللي بقى ما بعد بان ويش عاد باقي ما نظرت بعيوني سلطان حمد بوشقاف الحبابي الطائف أنصحك يا صاحب البستان العنز ليّاك تشريها ترقى على عالي الأغصان تاكل ورقها ونواميها وعليك يا صاحبي بالضان ترى اللحم والشحم فيها عبدالعزيز الصالح - القصب يا هل المعازي يوم تعطون الأخبار ليه الغنم ترقى تدوّر غذاها قامت تمشي تبترم فوق الأشجار والراعي اللي عندها ما نهاها هذا مكان فيه أنواع الأخطار ميرالدبش تفكيرها ما هداها علي رشيد الرشيد - رياض الخبراء يا هل البهايم وافزعوا لا تغفلون شوفوا بهمكم فوق الأشجار حيران حوله وحوش وافهموا لا تونون لا من ضواه الليل يا تيه سرحان ولا يجي من يقنصه كيف تلهون نصيحة للي يبي النصح يا خوان محمد بن عبدالعزيز الخنيفر أشيقر يا صباح الخير يا الصفحه النديه يا خزمى الصحارى صرتي بالعلالي وقولي وش رقاك يا العنز الشقيه ما يكفيك العشب تحت الظلالي لو تخفي جابتك كمراء خفيه والله يعين الراعي ينزلك بالحبالي خالد بن ناصر المخيمر روضة سدير صعدنا على الطلحة قبل لا يفوت الفوت ونغرق بسيل جارف بأسفل الوادي بهايم بعد حنا ولكن نهاب الموت نخاف الفرق في سيلها كل ما زادي وحلوقنا تورمت من بحيح الصوت نثغي بعال الصوت ونصيح وننادي علي غنام الغنام - رياض الخبراء يا تيس وش حدك على الطلح ترقا فسقان وإلا الجوع يا تيس حدِّك لقافتك من شافها قال فرقا وإن شافك الراعي على الشبك ردِّك وقت المحل في كبد راعيك عرقا وحدك لشوك الطلح ما هُوب ودِّك فهد بن عقيل الطويان - بريدة حنا هل المرتاع والراس مرفوع اسأل عن المعزة إلى جا مجالى من لابة ما تعرف الخوف والجوع لجل العلف نرقى من الغصن عالي وليا شبعنا نشرب الماي قرطوع نطفي لهيب القيض قبل الزوالي دهام بن محمد دابس المرخان حفر الباطن عجايب زمان كلها تلفت الأنظار وحتى الغنم ترقى على عود الأشجار ترى ان كان ذا جوع مغز الله انه صار فجوج الله أوساع ترى يمين ويسار وترى الخير طاح! من الهضب لاورى الصرار ولا عنه منشود توكل على الباري مبارك محمد بن طرجم الضعاوين وادي الدواسر - الفرعة امس ولله شفت لي صوره فريده تيس راقي للشجر مثل القرودي في جريدة الرياض احلى جريدة وفا لخزامى طالعه تبغى الردودي هذا ردي يا ولد جاكم نشيده ولا تواخذ لو تعدينا الحدودي سعود بن سعد الحافي الرياض الشجر ما هوب يزبن يا المصور كيف ترقي التيس في عالي شجرها خمسة تيوس غدت وين المدور ما درابها في الشجر ما شاف اثرها وان رقى بيجيبها جاك متعور وان قعد في الظل يسبر ما قدرها احمد الله البلد صار متطور امش وامن من بحرها لبحرها شبيب حمود القحطاني - محافظة المزاحمية يا طير لا تقرب الاغصان شف غيرك اليوم عاشقها العنز طارت بها الكرعان يوم السما قل بارقها تبي تدور على الفوران اللي عطا الرب مغرقها يا رب لا يشوفها طفران ويده على الزند فاهقها عبدالكريم النغيمشي - الربيعية
