يا رضاي ومنتهى واسمى رجاي ويافضائي الرحب يمه=يا من الله في كتابه عظمك ولطاعتك تحنو جهاتي يا اسيرة قلبك المسكون بالأوجاع قلبك كيف اضمه=يا رهينة حبك اللي مستحيل استوعبه حتى مماتي ماني اللي من نذر للسهو تفكيره وجرحك ما يهمه=لاورب المتعبين الكادحين انك وجرحك وسط ذاتي كل آلامك وآهاتك ودماعتك ف صدر ابنك تخمه=لاضميري مستريح ولا عيوني مطمئنه في سباتي أدري انك وانت مرتاحة بدون هموم دايم مستهمة=وادري انه بالسهر جفنك يرد الحزن لك تيار عاتي شوفي ابنك صار رجال وطلع شاعر وله في المجد قمه=وف عيونك لا يزال ابنك صغير ومنه طرفك ما يباتي يمه اخفض لك من الرحمه جناح الذل ودموعي تتمه=واتحسس نبض صدرك وازعم ان الصبر يمه من صفاتي واختلس باب الحزن ويلوذ بي الله ما للحزن ذمه=وارجع ابني سلم اوجاعي واعلقها على حزن اغنياتي وانحني واقبل اقدامك وتنزاح الهموم المدلهمه=واعتدل وارفع يديني وابتهل لله واسمنك في شفاتي في اليقين اسمك بياض ونور مشكاة يفز القلب يمه=كل حرف من حروف اسمنك يشكلني ويرسم ذكرياتي (حا) حياتي حلمي المنشود حين امسي وحين اصبح بهمه=(الألف) امالي المستقبلية اسرة مهد امنياتي (ميم) معراج الضيا فيني ومزن القلب شريانه ودمه=(دال) دلو الروح دفق الضوح يا يمه وديمومة حياتي (ها) هوى ظلي هوية نفحة ايامي هدايات الائمة=هجرتي من وحدتي بالحمد والتسبيح لله في صلاتي ايه وانتي كل ما لا ينتهي ايه المزايا فيك جمه=يكفي انك مرجعية سيرتي في البذل طيبي وحسناتي من دفا سجادتك ينبت خشوع عبادتك والطهر اشمه=واتخيل في صلاتك كم دعوتي لي وانا اجمع شتاتي كم حضنتيني وقلتيلي وعينك تذرف الدمع وتلمه=ياوليدي بعدما عظمي وهن مني وطحت احفظ وصاتي كون ضي وكون ف الاشي شيء ومن يذمك لا تذمه=كون ذاكرة التسامح تستريح وكل ما تبغيه ياتي في غيابك كن ربي في غيابك ما خلق حاجه مهمه=في وجودك اي حاجه في وجودك ما تحرك من ثباتي اعرف ان الموت حق ومنوتي من غير شر وباس يمه=ان كتب ربي وفاتك حينها يا ميمتي يكتب وفاتي
