“نبع القصايد” قصيدة للشاعر سلمان المضياني

لو كان ياتويتر تهكر حسابي
نبع القصايد داخلي ماتهكَّر
°°
يكفي عن سيول القوافي سرابي
مادام مزن الشعر بالوسم بكَّر
°°
شعرٍ ( زها.بي) والمبادي زهابي..
ماضاق قافي يوم والا تعكَّر
°°
ينوب عن جولة إيابي ذهابي
ولاحسبت حساب منهو تنكَّر
°°
اللي (جنى بي) عَنْه يكرم جنابي
لا ماذكره ..! منهو عشان آتذكَّر
°°
عن ظلمهم انفض زراير ثيابي
وخل المسكَّر زي ماهو مسكَّر
°°
لبيه يامن فيك زهرة شبابي
ياللي افكربه.. قبل لا أفكِّر
°°
فوق الغلا تدري وش اللي غدابي
ملح الكلام اللي على شفاه سكَّر
°°
يا لذة احساسي ل حد انسكابي
ياخمرةٍ (ن) من دون ذنبٍ(ن) اتسكِّر
°°
ياعقده اللي لانزل قال : مابي..
ولامن لمس جيده يقوم ايتشكَّر
°°
وانا على قمرة خدوده سرابي
اهيم في وجهه واقوم آتفكَّر
°°
ويبدا سؤالي عاجزله جوابي
معقول هذي ضلع صدر المذكَّر
°°
ام القوام الفارع الانسيابي
قوام شاهينن مع العصر وكَّر
°°
وياللي تهكر كان تبغى سنابي
منك اتشكر كان تبغى تهكِّر
••
الشاعر :سلمان المضياني