كلمنجي!

بعض الناس يحيرك في قدرته على اختلاق الكلام، يعني صراحة حتى سالفة انه يكون بالع راديو ما عاد تجيب نتيجة، لأن الراديو غالبا ما فيه الا أغاني وبرامج سامجة من نوع «فلان حاب يهدي علان، وعلان حاب يسلم على فلتان».. لكن اخونا «الكلمنجي» هذا مستعد يجلس يوم كامل يحكي بمنتهى الاقناع والجدية في اشياء ماله دخل فيها، ويجلس بالساعات يعيد ويكرر في جمل ما تدري من وين جايبها لكن الاكيد انها جمل غير مفيدة الا في حاجة وحدة هي تطويل السالفة على غير سنع!
طبعا دوافع الكلام تختلف من شخص لشخص، ومهم نعرف هالشي، يعني مثلا السالفة اللي يقولها لواحد عادي في خمس دقايق، ممكن يقولها لواحد مهم في خمس ساعات، واحتمال بعد يجيب له بروجكتر ويشرح له اياها، صوت وصورة، وطبعا هذا غير الاستطرادات والطلوع من صلب الموضوع عشان يوصل رسائل ثانية، ويلمح له كم تلميح، انه باذل مجهود خرافي في شي معين أو انه متضايق من وضع معين ثاني الخ الخ!
صراحة هالنوع يستاهل ينعمل عليهم دراسة، كيف تجلس يوم كامل تتكلم عن شي ما تعرفه، دون ما تقول شي واحد مفيد، عشان يكتشفون طريقة اختلاق الفكرة عندهم، وكيف انهم ما يواجهون المشكلة الأزلية اللي عند الكثيرين.. والمعروفة بمتلازمة «ماعندي شي اقوله»!