يروح.. ما يروح!

يبغا لنا اقل شي نجلس اسبوع نهوجس بالعبارة اللي فوق.. بعد ما جلسنا كل هالوقت ما عندنا موضوع غيرها.. وبعد ما صارت القنوات الاخبارية فاتحة بث مشترك مع قنوات الأكشن طيلة الايام اللي راحت، تصدقون نسينا كل السواليف الثانية.. وكلما رحت مكان وفتحت لك موضوع ثاني قالوا لك «يا عمي الناس في ايش وانتا في ايش» وبصراحة ما ألومهم لأن الحدث تاريخي ولا عليه خلاف.. لكن اللي استغربه الناس اللي ما لهم أي دخل ومسوين فيها انهم اساس السالفة، وخذ لك من هالتنظير والحماس اللي جاي بالغلط.. طيب يا بني آدم انت وش دراك اصلا باللي صاير..عادي مو لازم اعرف اهم شي اسوي نفسي فاهم، وهذا كله مو مشكلة، جمب الناس اللي ترسل لك يوميا من الانترنت دعوات عشان تروح ميدان التحرير بعد العصر والناس اللي تقول لك لازم تتكاتف معنا عشان نرجع الأمور لطبيعتها..ولا يهونون الناس اللي تخش بعينك وتنبرش في مخك بأسئلة من نوع.. وش فيك ما علقت على الأحداث؟ اكيد لك موقف ما تبي تقوله اعترف!
صراحة الي اللي لفتني اكثر شي خفة الدم اللي في العبارات واللوحات..شي يوريك ان الابتسامة لازم ما تغيب حتى في اصعب الظروف..لكن من يعلم الناس اللي ما لهم دخل، وهم برا الظروف اساسا ومع ذلك ما ابتسموا لحظة وحدة!