أدري بعضكم اول ما قرأ العنوان يسأل نفسه وش يحس فيه ابو العريف؟ كلكم تعرفون ان الكذب كذب، اكيد اجل، وش راح يكون اسمه؟ بعض المواقع تسوي قصص تهاويل ما يصدقها بزر عشان تسوي نفسها تصلح المجتمع، والله يا اخي انك تستحي من بعض الفبركات التي يكتبها ربعنا عشان يسوون انفسهم عندهم سالفه، ما يحتاج انك تكون اعلامي كويس ويقولون عنك الناس طرزان تقوم تكذب وتهول وتفبرك، راح هالزمان اللي نصدق فيه التهاويل، ما عاد الناس تصدق حتى الصحيح، فكيف بقصة مفبركة وكلها كذب في كذب؟! يا اخي خافوا الله، لا تشوهون مجتمعنا وهو مو ناقص، لا تفبركون قصص مخزية بزعم انكم تنصحون الشباب، ترى هالشي راح يجي يوم من الايام وينمسك ضدنا، سمعة مجتمعنا اكثر ما خربها عند الغرب بعض حقين الصحف وحقين المواقع اللي يدورون سفاسف الامور والقصص ويكبرونها ويهولونها، عشان ما عندنا احد يتابع مواقع النت ويدقق وراهم يكتبون على كيفهم، يشوهون سمعة اللي يبون على كيفهم، وبالتالي يشوهون سمعة مجتمعنا، ابد، لا صرت تبي تخرب سمعة أي احد اكتب باسم مجهول واكتب اللي تبي، والله اني اعرف صحفي منشور له مقالة من ثمان سنين في موقع ومفتوح التعليق عليها عشان راعي الموقع ما يداني الصحفي ويبي الناس تسبه، وهالصحفي المسكين مو لاقي احد يحميه من عديم الضمير اللي ما همه احد !