فقده الشعب

فمان الله ياعزّ الرجال وبحرها الطامي
فمان الله يانبض الفؤاد وجُملة شعوره
وداعك جرح مايبرى عجز عن وصفه الهامي
وجع موتك تعدا الحزن والأرواح مقهوره
يموت مْن العرب واجد قدر مكتوب والزامي
ولكن موت عبدالله ترك لْ كبود مفطوره
فقده الشعب والأمه فقده الوسْط الاسلامي
غزير الدمع ماينفع ولا الذكرى ولا الصوره
يتامى هزّنا بُعده،، وبعده كلنا ظامي
عسى الله يجبر قلوبٍ من الاحزان مكسوره
عسى مثواه لْ لجنه مَع السادات الَا كرامي
وقبره روضةٍ خضرا بريح الطيب مغموره
فمان الله أرددها واساير جرحي الدامي
أواسي نفسي بْ نفسي الين تموت مقبوره
ونبقى معَ العهد دايم مع آل سعود اْلِ شْهامي
على السمع وعلى الطاعه نبايع رمز واسطوره
ابو سلطان يمنى الطيب راعْ الحق مقدامي
خليفة خير لْ بلاده ويكفي هيبة حضوره
ومن حوله ومن دونه صقورٍ دمّهم حامي
حماةٍ لْ لوطن والدين عند الله مأجوره