مفارق خليله

==1==الله يا قلبٍ همومه ثقيله==0==
==0==مما جرى خطرٍ يجي فيه وسواس
حملٍ ثقيل ما قدرت أرتكي له==0==
==0==خطرٍ أجر الصوت وأسمّع الناس
ما ذقت طعم النوم لي كم ليله==0==
==0==مغير ضايع بين همٍ وهوجاس
وحالي عقب فرقا حبيبي نحيله==0==
==0==والفكر من فرقا هوى البال محتاس
بأسباب نور العين ضافي الجديله==0==
==0==عروق قلبي من محبّته يبّاس
حبّه سكن قلبي ولا أحدٍ يزيله==0==
==0==بنيت حبه في ضميري على ساس
بيني وبينه ذكرياتٍ جميله==0==
==0==باقصى الحشا ماهي تسجّل بقرطاس
قفا بعَد روحي وعيني تخيله==0==
==0==ما يعرف ان البعءد ماهوب نوماس
لو غاب عن عيني شهورٍ طويله==0==
==0==أمشي على دربه وانا رافع الراس
مالي على شوفة حبيبي وسيله==0==
==0==الا الصبر .. كود الولي يرفع الباس
أصبر على بعده .. وقلبه دليله==0==
==0==وأنا على شوف الغضي ما أعرف الياس
والله ما أدوّر عشيرٍ بديله==0==
==0==خلي وفيٍ لي ولا مثله أجناس
عزي لمن مثلي مفارق خليله==0==
==0==يذوق لوعات المفارق بلا قياس
ولاباس يا قلبٍ همومه ثقيله==0==
==0==اصبر .. ترى من تعشقه عنده احساس
==2==
عبدالعزيز عبدالرحمن بن حفير السياري