هم الشباب

عندي خبر عن علم محدن به درا
ياسامع اسمع والهدف انجادكم
امرت انا بالي يقول اللي طرا
يسند سناديكم ورفع امجادكم
ان هي توافيق الولي معهم ترا
لعلا فضا يعلا بكم منطادكم
هم الشباب سلاح وفيهم يفخرا
بزين العلوم الطايبات اعمادكم
كانه فتى وكانه فتاة اتخفرا
هم معدن في لمعته اسعادكم
مثل الذهب لوزاد سعره يشترا
وان جا الذهب صافي تزين بلادكم
لو لوثه بعض الغبار ميسرا
في عونة الله ينصقل بازنادكم
يابنت حوى لا يداعبك الكرا
شدي هممك بطاعة الله زادكم
شدي هممك وخلي نفعك يكثرا
حسب الشريعة فطري اولادكم
وياابن آدم لاتراجع للورا
اقدم الى اللي نافع لحفادكم
خايل بعيد وخل عينك تنظرا
للي يفيدك وترتقي به ضادكم
ياخوي يا المسلم بجهدك انشرا
سمو دينك للحضر مع بادكم
مازان منهم خذه وصحا وحذرا
من الغثيث اللي يهدم اشيادكم
وانا معك بالصف فيما اذكرا
تذكير في صدة هجوم اكيادكم