يالله عسى المرزم اللي لاح برّاقه

يالله عسى المرزم اللي لاح براقه
اللي من اعصير وعيوني تراعي له
نون بروقه بوسط المزن شعّاقه
مخايله تجذب العشّاق ويخيله
عساه فوق الجزيره يرخي أشناقه
بأمر الولي فوقها ينثر هماليله
يركز عليها لياما يعلن أغداقه
من حد جيزان لأطراف العويقيله
ياما يقولون فيه المملكة ضاقه
على جميع البلاد ارخى مخاييله
من بعده الدار كلّه تخضر أوراقه
تعجبك شوفة خزاماها وأكاليله
تفرح به أهل الدبش قنايه الناقه
إن جاه علم الحيا تعلن محاويله
والذود من وسط شبكه تعلن إطلاقه
يازين بالروض ياشرت مخاليله
ناصر الذرفي الشمري