وردة الأشواق

تنام الذكريات الموجعة في صدري الليله
وتصحى ذكريات الماضي اللي راح وأحبابي
كثر مابي من طعون الحبيب إشتقت أحكي له
عن الماء في يديه ووردة الأشواق بترابي
عسى باقي حبيبي يمسح الدمعة بمنديله
أخبْره لا بكى يطري عليه شكثر سوابي
على باب الرجا كنت أنتظر رحمة مراسيله
إلين الله رحمني من قساه.. وموّت أعصابي
تحمّلت الحياة الباردة من قلّة الحيله
وأنا أدري هالغياب اللي حصل كله من أسبابي
عطيته كل ما يطري عليه .. وزاد حبي له
إلين تساهل دروب الجفا وتساهل غيابي!
يقول إن الظروف اللي بدت تاكل محاصيله
وأنا أشوف الظروف اللي يقول تزود أتعابي
أنا كنت أكرمه بمحبتي وأرضى بتقليله
وهو يقسى كثير ويرضي غروره على حسابي
ولكني أحبه .. لو بدت تطفى قناديله!
شعلت النار بالصدر وبقى لو شبت ثيابي
لقيته بعد ما صك القدر آخر مداهيله
ولا ظني غلطت بعشقي اللي راح وعتابي
على ذكراه كانت ليلة البارح .. وهالليله
ولا أدري لو بعد طول غيابه ويش يجرابي !؟
عبدالله البكر