جوال الميدان

مجول: علوم السعد والليلة كأس خيل الإنتاج رايد ومعجمها شقران.
جوال: وش توقعها وأبرز نجومها يا حبيب أخوه؟
مجول: مثلك عارف أولى بطولات الموسم الكبرى ما تخلو من طقوس المفاجآت؟
جوال: لا طقوس ولا غائمة وغامضة والكأس بين ثلاثة لا رابع لهم؟
مجول: جايز؟
جوال: وعندك خبير (دير تووير)
مجول: وحامل اللقب سويد؟
جوال: والأزرق؟
مجول: قريبة تغيير المدربين وإمكانياتهم وعقبها تجانسهم واستقرارهم كلها عوامل مؤثرة وقتية؟!
جوال: والأحمراني؟
مجول: وجد ضالته في مدرب خبير ومؤشر نتائجه تصاعدي وكبير
جوال: والأخضراني؟
مجول: نتائج مدربنا الوطني أبو دجانة ومنذ بداية الموسم فتاكة
جوال: ولا تنسى أنه يحارب على 3 جبهات؟
مجول: جبهتين وعرفناها خيل الإنتاج والمستورد؟
جوال: والثالثة يا بعدي إنتاج العاذرية وعيالها اللي بدت تلمح بروقها؟
مجول: أشوفك (تشوش) مع المدرب الوطني؟
جوال: مدربينا نتائجهم مسطرة وتشهد لهم وخيل أبوسلطان في قلب الترشيحات ما غابت وعند (صادق الوعد) الخبر اليقين سواء زادوا المدربين الأجانب أو تمرسوا المحترفين.
مجول: وعلوم المزاد؟
جوال: إن قلت (مقاطعة) أو قلت قطاعة لكني تنومست لا حضرت ولا شريت ولا بعت.
مجول: لا جالك ولد سمه قيحان وإلا شبل مشرف سعد؟
جوال: عز الله ان فعلهم يشوش سعاطير رؤوس الرجال الطيبين واستقعدوا لمزاد الوطني من بدايته حتى يومه الأخير وهذا يزاود وهذا يشري والعكس ويا حي اللي ما يحود عن الثوابت.
مجول: وكم وصلت مبيعات مزاد 2007؟
جوال: يا حبيب أخوه الدعوى تعدت لحية مبيعات وسوق الخيل ما طلعت من غرفة الإنعاش حتى تقول مبيعات.
مجول: وعلوم الصفقات؟
جوال: داخلية وإلا خارجية.
مجول: الداخلية ومستقعد لها (الصقر) والخارجية ما عقب مركاض العالمي الأخير حيله الله لا يضره.
جوال: وعلوم ميدان قلعة الإنتاج.
مجول: إن قلت حمال الأسية، ووقفة العضياني والأزمع التطوعية والبطولية.. وإن قلت الصابر على جور وجحود رجال الأعمال من ملاك الخيل وكثافة أعداد خيلهم العددية، وإن قلت وإن قلت خلها بالقلب تجرح ما بقى وش بقى.
جوال: وآخر العلوم؟
مجول: ماد عاد به للوصل يا ذيب غابه
تغيرت دنياك وانت انت ذيب