أعزي الإسلام

جاني خبر هيج على القلب الأحزان
وضيق على صدري رحيب المحاني
أكرر الكلمة ويا ضعف الإنسان
عييت أصدق لين دمعي غشاني
فهد عسى مثواك فردوس وجنان
وعساك في قبرك سعيد وهاني
الله يفتح لك من القبر بيبان
بيبان رحمه تكتسيك الجناني
والله لولا الله وحزام الإيمان
وإن العمر لو طال لابد فاني
لا بكيه لين أذرف مع الدمع دمان
وأقول راح اللي بحبه حواني
محبته ترجح على كل الأوزان
يشهد لها بالحق قاصي وداني
يشهد له التاريخ في كل ميدان
يشهر ولا له في خصومه هواني
أعزي الإسلام في كل الأوطان
وأعزي اللي له في قلبه مكاني
وأخص عبدالله ذرى عز الأيمان
فيه العوض لاجار فينا الزماني
ولا هان سلطان السلاطين لا هان
والله يمده بالفرج والعواني
وعبدالعزيز ابن الفهد عز الأخوان
والله يعين اللي لفقده يعاني
يا لله أنا طالبك يا رب الإحسان
ترحم مليك حط فينا الأماني
وصلوا على اللي بين الدين تبيان
عداد ما تدرج سهوم الثواني