حلول اللغز

نشرنا في عدد الاسبوع الماضي لغزاً كتبه الدكتور الشاعر سعد بن محمد الرامي وكان نصه:
انا ابا انشدك عن طفل صغير وله بعد نيبان
ولا ياكل طعامه لين نيبانه يغطيها
وزاده عارفه وان جبت له غيره وقف حيران
يعاف الوجبة اللي ما تناسب ما يمضيها
وكان حله «المفتاح الخشبي القديم» وقد وصلتنا عشرات الحلول كما تعودنا من قراء الجزيرة لكن هذه المرة الحلول الصحيحة كانت قليلة قياساً بما يصلنا كل اسبوع مما جعلنا نتجاوز عن الدقة في الحل حيث رأينا ضرورة ان من ذكر المفتاح اي مفتاح قد توصل للحل الصحيح.. فجاءت الحلول كما يلي:
عرفنا الحل يالرامي واصبنا شارة النيشان
على صفحة جريدة نحترم كامل معانيها
هو المفتاح ما غيره صغير ويفتح البيبان
وتحياتي وتقديري الى الرامي بتاليها
جلعود بن لافي الشمري - حائل
سلام الله عليكم يا سعد من خاطر ولهان
عدد وبل المطر واعداد رمل في صحاريها
ترى لغزك هو المفتاح بالضبة شغل فنان
من الاخشاب تصنيعه وزال اليوم طاريها
علي رشيد الرشيد
رياض الخبراء
عرفت الحل يالدكتور يوم انك فصيح لسان
تجيب الغاز تسوى يالسنافي من تعب فيها
هذا المفتاح ما يخفى على اللي يطرح النيشان
وذكره ما انقطع في حاضر الدنيا وماضيها
سعود بن جازي الحربي - الرياض
نعم قلت الحقيقة والامانة ما تبي عنوان
لو الصفحة تقول انك تزعلها وترضيها
حضورك يا بعيد الراي رجح كفه الميزان
مفاتيح العلب لغزك تراه اقرب حراويها
محمد عبدالكريم الغزي - الزلفي
عسى حظ الرفيق يطيب لو زان الزمان أو شان
وعسى حظ الحقود يشين لو طابت لياليها
وحل اللغز يا دكتورواضح ما يبي تبيان
ترى بعض العلب تحتاج مفتاح يعريها
محمد بن حمد البدر - الزلفي
هلا باللي كتب لغز جديد واحكم القيفان
هلا به عدما تنشى السحايب من مناشيها
عرفت الحل يا دكتور وان كانك تبي برهان
خذ «المفتاح» مع بعض العلب لا صرت شاريها